لماذا اتجهت أنظار العالم إلى انقلاب عسكري في إحدى أفقر البلدان على الكوكب؟.. ماذا يحدث في النيجر؟
............
بقالنا أكتر من أسبوعين، العالم كله بيتكلم عن الإنقلاب العسكري اللي حصل في النيجر، أيه اللي يخلي انقلاب عسكري في دولة من أكتر 7 دول فقيرة في العالم يكون محط أنظار دول عظمى زي أمريكا وفرنسا، عايز أقولك أصلا ممكن يكون في ناس كتير مكانتش تسمع عن النيجر دي أصلا، وفجأة بقت تستحوذ على منشتات أكبر الصحف والوكالات الأجنبية..
طب أيه السر في كدا، السر إن اللي بيحصل في النيجر دا عبارة عن حرب بين روسيا والغرب على الأراضي الأفريقية.
طب ازاي الكلام دا، وأيه اللي هيحصل لمصالح فرنسا بعد الإنقلاب؟
وايه اللي دخل روسيا في الموضوع أصلا؟ هنحاول نكشفلكوا كل الأسرار دي في قناتكم «أسرار تي في»، يالا بينا ..
..............................
الإنقلاب العسكري اللي حصل في النيجر مش أول إنقلاب في أفريقيا في السنتين اللي فاتوا، والله أعلم ممكن ميبقاش آخرهم.
اللي حصل دا فكرنا باللي حصل في مالي وبوركينا فاسو في السنة اللي فاتت واللي قبلها، طب أيه واجه الشبه مابينهم، خليك معانا وأنت هتفهم كل حاجة...
(اتغدى بيه قبل مايتعشى بيه.. لماذا انقلب تياني على بازوف يوم 26 يوليو؟)
يوم 26 من الشهر اللي فات صحى الشعب النيجري لقى الجينرال عبد الرحمن تياني قائد الحرس الرئاسي، محتجز الرئيس محمد بازوم، وأعلن نفسه رئيس المجلس العسكري اللي هيحكم البلد.
عبد الرحمن تياني دا ضابط عنده 59 سنة ويعرف بـ «رجل الظل»، عشان ملهوش ظهور كتير.
وكان بيحب الرئيس السابق «محمدو يوسوفو» جدا، اللي حكم النيجر من 2011 لـ2021 وهو اللي عين تياني على فكرة قائد للحرس الرئاسي.
ولكن تياني مكانش على وفاق مع بازوم ومكانش بيحضر معاه أي احتفالات أومناسبات رسمية، وبازوم نفسه مكانش عاجبه الموضوع وكان ناوي يغيره يوم 27 يوليو اللي فات ويجيب حد مكانه، يعني الإنقلاب حصل قبل الميعاد دا بيوم واحد بس، واخد بالك انت!.
وبرر تياني انقلابه على بازوم بإن أوضاع البلد في عهد الرئيس المخلوع في أسوء ظروفها من فقر وجوع ونهب للثروات من الفرنسيين، في حين إن الرئيس بيصدر خطاب سياسي للشعب بعكس الكلام دا وبيفهمهم إن الدنيا حلوة، فالأمر دا كان لازمله تدخل عسكري لإنقاذ البلاد، دا على حسب كلام تياني يعني.
الغريب إن بازوم دا أصلا اللي هو الرئيس المخلوع مش أول محاولة إنقلاب يتعرض ليها، دا كان فيه محاولة قبل كدا في 2021 قبل يومين بس من حفل تنصيبه على رأس البلد، ولكن مكانش فيه نصيب ساعهتها.
#ولي_العهد_السعودي
#بايدن
#السعودية
#السيسي #الجيش_المصري #اخبار_مصر#أمريكا #السعودية #الإمارات #قطر #روسيا #روسيا_اوكرانيا #الكويت #البحرين #الرئيس_السيسي #سامري #اخر_الاخبار #الجزيرة #العربية #سكاي_نيوز_عربية #اخبار_عربية #اخبار_العالم #اخبار_اليوم #المملكة_العربية_السعودية #الخليج #سوريا #فلسطين #إثيوبيا #سد_النهضة #مصر #الاقتصاد #المغرب #الجزائر #العراق #الأردن #تركيا #القاهرة #الرياض #أبوظبي #أخبار #الصين #الرياض #لبنان #ليبيا
Ещё видео!