Бүгін "Нұр Отан" партиясы облыстық филиалы ғимаратында қоғамдық қабылдау өтті. Облыстық мәслихат депутаты Сергей Вишняк пен филиал төрағасының орынбасары Нұрхан Ағниязов ақтөбеліктермен жүздесті. Түрлі мәселемен жүгінген азаматтарға кеңес берді. Солардың бірі 3 баланың анасы Гүлназ Исмағұлова. Қаңтар айында жұбайы дертке шалдығып, төсек тартып жатып қалған. Оны емдеп, аяғына тұрғызу үшін Гүлназ 6 миллион теңге қаржы кеткенін айтады. Несие алған, қарызы да бастан асады. Ол отағасының аяғына тұрып, науқасынан айығатынына сенімді. Депутаттарға мұңын шаққан ол, қаржылай көмекке мұқтаж. Ал 23 жастағы қала тұрғыны Таңшолпан Төлегенова өзі тұрып жатқан көшеге гүлзар салмақ. Қалалық әкімдік арнайы жер бөліпті. Алайда, орындық пен жасыл желек қажет, асфальт төсеу керек. Депутаттар көмектеседі немесе демеушілер табылады деген үмітте. Бүгін 50-ге жуық өтініш қабылданды. Енді депутаттар мәселені шешуге құзырлы мекемелерге хат жолдамақ.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
