3 vite pas zhdukjes misterioze të 19-vjeçares me origjinë shqiptare në Greqi, Artemis Vasilis, prindërit e saj Jani dhe Sofia Vasilis udhëtuan për të qenë prezent në studion e emisionit “Pa Gjurmë” në Report Tv.
Në një intervistë me gazetaren Odeta Dume ata dhanë detaje mbi humbjen e të bijës.

Babai- Ajo ka ikur njëherë nga shtëpia 3 muaj para se të zhdukej përfundimisht. Qëndroi 2-3 orë pa na lajmëruar, ndërsa bëmë denoncim në polici. Kur u kthye, ajo na tregoi se ishte ndarë nga djali me të cilin kishte pasur një lidhje. Dyshojmë se vajzën e kanë rrëmbyer, ajo mund të jetë ngatërruar me disa persona të këqinj.

Prindërit e 19-vjeçares ishin të shoqëruar edhe nga avokati i familjes, Anastasios Dugas, i cili tregoi për emisioni ‘Pa Gjurmë’ se në zyrën e tij kishte mbërritur një letër anonime që tregonte se Artemis mbahej peng nga dy persona.

“Kjo letër anonime që erdhi në zyrën time na tregoi disa vende ku mund të ndodhej vajza. Së bashku me policinë kemi shkuar në këto pika, ndërkohë kjo ka qenë për të na çorientuar kërkimet për Artemisën. Ne kemi bërë edhe një kallëzim për vrasje në polici, ose ajo mbahet peng nga disa persona të panjohur.”-

Moderatorja Odeta Dume u lidh edhe me emisionin analog në Greqi “On The Spot”, ku gazetari Nikos Nikoletakis tregoi më tepër detaje.

“Në mënyrë jozyrtare autoritetet na kanë thënë se sipas disa informacioneve Artemis ka shkuar jashtë shtetit, ose në Greqi me një shok që nuk do që ta dinë familjarët.”

22- vjecarja Artemis Vasilis doli mëngjesin e 16 tetorit të vitit 2020 nga shtëpia dhe prej asaj dite rezulton e humbur.

свернуть