Një sasi droge është gjetur në një kontenier me banane në qytetin e Durrësit. Burime bëjnë me dije se sasia e drogës së gjetur është rreth 10 kilogramë e ndarë në 8 pako.

Mësohet se Policia Kufitare po vijon kontrollet e mëtejshme në Port. Operacioni nuk ka përfunduar ende pasi po kontrollohen gjithë kontejnerët e ardhur nga vende me risk të lartë trafiku droge.

Sipas njoftimit zyrtar të policisë thuhet se droga është gjetur në kontenierët e “Alba Fruit”, administratori i të cilës, Eduart Dauti ndodhet në kërkim për tre raste të tjera trafiku.

Njoftimi i policisë:

Vijon operacioni policor i koduar “Rada”, për goditjen e veprimtarisë kriminale në fushën e trafikimit të lëndëve narkotike.

Në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritet doganore të Portit janë gjetur dhe sekuestruar lëndë narkotike kokainë në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.

Në vijim të operacionit “Rada”, ditën e sotme, nga Task Forca permanente që vepron në Portin e Durrësit, është ushtruar kontroll i imtësishëm në një nga kontenierët i ngarkuar me banane i ardhur nga Ekuadori, për llogari të kësaj firme, ku si rezultat i kontrollit të imtësishëm në pjesën fundore te kapakët e motorrëve frigoriferike, u gjetën dhe u sekuestruan 8 pako me lëndë narkotike të dyshuar kokainë.

Task Forca permanente që operon në Portin e Durrësit vijon veprimet hetimore, nën drejtimin e SPAK-ut.

Në nisje të operacionit, nga taskforca permanente që vepron në hyrje dhe në dalje të Portit të Durrësit, më datë 13.07.2021, është arrestuar në flagrancë shtetasi B. G., (menaxheri i firmës) dhe është shpallur në kërkim administratori i firmës shtetasi E. D.#faxweb #faxnews #zgjohu

Follow Fax News Albania

Subscribe To Fax News on YouTube Channel HERE: [ Ссылка ]

For more content from click HERE: [ Ссылка ]

Like Fax News on Facebook HERE: [ Ссылка ]

Follow Fax News on Instagram Here: [ Ссылка ]

Për më shumë na ndiqni në: www.faxweb.al

свернуть