Մարզական նվաճումների ու հաղթանակների հարուստ ավանդույթ ձևավորած Գյումրին 2024 թվականը ևս եզրափակում է աշխարհի և եվրոպայի առաջնություններում գրանցած բարձր արդյունքներով։ Գյումրեցի մարզիկների ունեցած հաջողությունները տարբեր մարզաձևերում են, բայց դրանցից մեկի՝ ծանրամարտի պատմությունն ու անցած ուղին մարզական ոլորտի մի խումբ նվիրյալների նախաձեռնությամբ ամփոփվծ է ուսումնամեթոդական նոր ձեռնարկում։ «Դպիր» հրատարակչությունում տպագրված «Մարզիկների ընտրության և կողմնորոշման սկզբունքները ծանրամարտում, Գյումրիի օրինակով» լույս տեսած ձեռնարկը նվիրվում է Շիրակի պետական համալարանի հիմնադրման 90-ամյակին։
