Көктемнің бір күні - жылға азық. Сондықтан, алдағы дән себу маусымында күн-түн демей қызмет көрсетіңіздер! Ауыл шаруашылығы техникасын шығару, жеткізу және сатумен айналысатын компания өкілдеріне облыс әкімінің бірінші орынбасары Марат Тасмағанбетов осындай тапсырма берді. Көктемгі дала жұмыстары жөніндегі жедел штаб отырысында техника бөлшектері тапшылығын болдырмау туралы да айтылды. Толығырақ әріптесім Байболат Бектемірұлы баяндасын.
