İqtisadiyyat Nazirliyi yanında Dövlət Vergi Xidməti yeni elektron xidmət istifadəyə verib. Bu xidmət qüvvədə olan “Asan İmza” sertifikatlarının onlayn yenilənməsinə imkan verir. Həmçinin, Şəxsi tipli “Asan İmza” sertifikatı əsasında Biznes, yaxud, Dövlət və bələdiyyə tipli sertifikatları da onlayn əldə etmək mümkündür.
Beləliklə, müddəti bitmiş asanimza sertiikatlarını yeniləmək üçün növbəyə yazılmaq, uzun müddət gözləmək lazım olmayacaq. İqtisadiyyat Nazirliyi yanında Dövlət Vergi Xidmətinin baş idarə rəisi Elçin Məmmədov “Asan İmza” sertifikatlarının onlayn şəkildə əldə olunması və yenilənməsi proseduru kifayət qədər asandır. Bunun üçün Dövlət vergi xidmətinin saytına daxil olmaq lazımdır.
