5 vjet nga ky betim, Ilir Meta do të lërë pasditen e sotme detyrën e kreut të shtetit, të cilën do ia dorëzojë në një ceremoni Presidentit të ri Bajram Begaj.
Në ditën e fundit si President i Republikës, Ilir Meta i është drejtuar me një mesazh shqiptarëve duke e cilësuar nder e privilegj të jashtëzakonshëm që shërbeu në detyrën e kreut të shtetit.
“Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë. Uroj për atdheun dhe kombin tonë më të mirën! Paqe dhe mbarësi për çdo familje shqiptare! Zoti e bekoftë Shqipërinë!”
Por Ilir Meta nuk është mjaftur vetëm me këtë mesazh, ai ka qënë tepër aktiv në rrjetet sociale duke u kthyer përgjigje disa prej komentuesve, ku flet për beteja të forta që e presin përpara dhe një agim të ri që sipas tij do të rikthejë demokracinë dhe llogaridhënien.
Me të hequr kostumin e presidentit, Ilir Meta ka deklaruar se do veshë atë të opozitarit dhe ka zgjedhur të mos presë gjatë për të nisur betejën e paralajmëruar më herët kundër qeverisë.
Pasditja e 25 Korrikut pritet të shënojë për të edhe ringjitjen në krye të LSI-së për të maarrë drejtimin e partisë, të cilën ia besoi në këto vite bashkëshortes së tij.
Për këtë arsye LSI-ja ka thirrur pasditen e së hënës edhe mbajtjen e Konventës, ku Monika Kryemadhi pritet të njoftojë largimin nga drejtimi i partisë dhe hapjen e procedurave për zgjedhjen e kryetarit të ri, duke e dorëzuar sërisht partinë në duart e bashkëshortit të saj.
Ilir Meta u zgjodh President i Republikës në 24 Korrik të vitit 2017 vetëm me votat e mazhorancës. Ai është presidenti i parë në 30 vite pluralizëm për të cilin u ngritën 2 komisione hetimore parlamentare që kerkonin shkarkimin e tij për shkelje kushtetuese, por Gjykata Kushtetuese nuk i legjitimoi akuzat e shumicës socialiste.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
