Stop Tv Klan | Një format satiro-investigativ nga Saimir Kodra & Gentian Zenelaj.

Qeni jo vetëm miku më i mirë, por dhe bashkëpunetori kryesor i njeriut, video

Një qen është jo vetëm miku më i mirë i njeriut, por edhe ndihma e të zotit. Kafsha besnike është filmuar, duke mbledhur limona nga dritarja e makinës,e duke ia dhënë ato të zotit.

Ilaci me rimbursim, shteti paguan vetëm 5 mijë lekë nga çmimi 124 mijë

Një qytetare është drejtuar në “Stop” me ankesën lidhur me ilacin Viread, që trajton hepatitin B. Ajo shprehet, se më parë këtë ilaç e merrte me 112 mijë lekë të vjetra në farmacinë e spitalit. Por prej pesë muajsh e merr me 135 mijë lekë të vjetra. Ajo thotë, se po abuzohet me cmimet e ilaceve. Ne bëmë një vëzhgim në 8 farmaci në kryeqytet dhe nuk e gjetëm këtë medikament.Për këtë problem iu drejtuam Fondit të Sigurimit të Detyrueshëm të Kujdesit Shëndetësor, i cili na përgjgijet, se ilaçi viread është në listën e barnave të rimbursueshme 2024, është alternativë e shtatë e principit aktiv Tenofovir 245 mg. Ky bar është me bashkëpagesë nga pacientët.Përsa i përket asaj, nëse një ilac mund të shitet me çmim më të lartë, se ai, që ka në vulë, na argumentojnë, se barnat e përfshira në listë, janë të regjistruara në Republikën e Shqipërisë, ose të pajisur me leje importi nga Ministria e Shëndetësisë, që do të thotë, se nuk duhet të kalohet çmimi i vulës. Pas shumë kërkimesh e gjetëm me porosi në një farmaci medikamentin e kërkuar me cmimin dyfish më të lartë, 230 mijë lekë të vjetra.Në farmaci kanë një shpjegim, se pse nuk shitet ilaci me cmimin e vulës. Ky ilac rimbursohet nga shteti, por vetëm me 5 mijë lekë të vjetra dhe pjesa tjetër paguhet privatisht.

Ushtarakët “të zhveshur”, detyrohen t’i blejnë vetë uniformat në treg

Në vitin 2020, pas 10 vitesh ndërprerje, nisi viti akademik për Akademinë Ushtarake.Një ushtarak denoncon, në “Stop”, se që nga viti 2020 atyre nuk u është zëvendësuar uniforma ushtarake.Ata, që nuk kanë mundësi ta blejnë vetë privatisht uniformën,mbajnë te vjetrën të konsumuar e me pamje aspak dinjitoze.Mungesa e dhënies së uniformës për ushtarakët, ka bërë që të lulëzojë biznesi privat në këtë drejtim. Ne provuam, se cmimet e uniformës shkojnë deri në 200 mijë lekë të vjetra, pa folur për veshjet e dimrit.Ne kontaktuam me Ministrinë e Mbrojtjes, për ta pyetur për mungesën e uniformave dhe zgjidhjen e situatës. Por në vend të përgjigjes, u kërkua të plotësohej një formular e dokumenta shtesë, që nuk kanë të bëjnë me median.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть