Еріген қар суы Баянауыл ауданының үш бірдей елдімекеніне қауіп төндірді. Бұл таулы аймақта орналасқан Құндыкөл, Теңдік, Қаращы ауылдары. Павлодар облысының Төтенше жағдайлар департаментінің баспасөз қызметі бірнеше үйдің тұрғындарына көмек көрсетілгені туралы хабарлады.
Су басады деген ауылдарға аудандық төтенше жағдайлар бөлімінен мамандар, Павлодар мен Екібастұз қалаларынан арнайы техника жіберілді. Қазіргі кезде Құндыкөл ауылындағы жиналған суды сору жұмыстары аяқталған. Жағдай қалыпты. Тасқынға қатысты жаңа мәліметтер түскен жоқ. Теңдік ауылында су 8 тұрғын үй мен бірнеше шаруашылық нысандарға жақындаған. Құтқарушылар бөгеттер жасап, еріген қар суын басқа арналарға бұрумен айналысып жатыр. 13 арнайы техника көмекке келген. Қаращы ауылындағы жағдай да қалыпты. Дегенмен ауа райы құбылып тұр, соңғы тәуліктегі күннің сууы қардың еруін азайтқан. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]

свернуть