Өңірде көктемгі су тасқынына қарсы дайындық жұмыстары басталды. Облыстық, қалалық және аудандық су тасқынына қарсы комиссия құрамы жасақталған. Аймақта су басу қаупі жоғары 30 елді мекен бар. Онда 11 мыңнан астам адам тұрады. Әзірге 13 елді мекеннің су-тоғандарына бөгеттер салынды. Биылғы су тасқыны кезеңіне 8 мың тоннаға жуық инертті материал, 31 мың 500 дана қап, 80 тонна жанар-жағармай дайындалған. 13 мың адамды қабылдай алатын уақытша орналастыру пунктері дайын тұр. Су тасқынына қарсы күрес жұмыстарына 707 млн теңге бөлінген. Қазынада шұғыл қажеттіліктерге арналған 2 млрд 213 млн теңге бар. Су тасқынына дайындық жұмыстарымен қатар өңірде қар шығару жұмыстары да қызған. Бригадалардың жұмысын өткен тәуліктерде жауған қар екі еселеген сыңайлы. Бүгінгі күнге дейін полигондарға 154 мың 614 текше метр ақ ұлпа шығарылған. Көктемгі су тасқынына қарсы құрылған облыстық, қалалық және аудандық комиссия құрамы синоптиктермен бірлесіп Елек және Қарғалы өзендерінің, Ақтөбе су қоймасының деңгейін тексеріп өткен. Қар қоры өткен жылмен салыстырғанда едәуір төмен болып шыққан. Яғни үш ірі су қоймасындағы су көлемі 60 пайызға бос тұрғандығы анықталған. Қала аумағында кеше жауған қарға байланысты өзен мен тоғандағы су деңгейі ақпан айының соңында қайта тексерілетін болады.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
