Оңтүстікте ірі жол апаты болып 9 адам ажал құшты. Қайғылы оқиға Шымкенттен шыға берістегі Бозарық елді мекені маңында түске жақын болған.

Жолаушылар мінген шағын автобус пен ауыр жүк көлігі соқтығысқан. Жолаушылардың 5-еуі бірден сол жерде көз жұмса, қалғаны ауруханада жан тәсілім еткен.

Дәрігерлердің мәліметінше тағы 4 адам жансақтау бөлімінде ес-түссіз жатыр. Екеуінің халі ауыр деп бағалануда.

Жалпы шағын автобуста 21 жолаушы болған. Қаза тапқандар ішінде 1 жас бала мен 1 Өзбекстан азаматы бар.

Алдын ала мәлімет бойынша апатқа спринтер жүргізушісі кінәлі көрінеді. Дегенмен жол сақшылары апаттың жай-жапсарын анықтап жатыр.

свернуть