#sorbian #serbskahudźba #sorben #serbja

Astronawt – Prošu će // Forgive Me feat. Lil Handrij

written by Lil Handrij & Matej Dźisławk
recorded by Syman Hejduška [Simon Heiduschka]
mixed and mastered by Johannes Gerstengarbe, Ballroom Studios

Lil Handrij – vocals
Matej Dźisławk – keyboards
Oliver Böhm – drums
Jurij Hantuš - violin
Syman Handrik – electric guitar
Syman Hejduška – synth bass

directed by Matej Dźisławk & suelzos pictures

follow us on instagram & facebook
instagram:
[ Ссылка ]...
[ Ссылка ]...
facebook:
[ Ссылка ]...

supported by Załožba za serbski lud
[ Ссылка ]...

Sorbian Lyrics:

Runja Serbam we Wojerowskej holi, pozhubi so ty, wutroba mje boli.
Ja so dźensa hišće prašam: Njeby da znajmjeńša rozžohnować móhła so? Ow, ty najrjeńša holca, kiž ja zeznach hdy. To běše ty.
Ale nětko sedźu samotny, cyle zludany
w mojej ćmowej komorce a pisam tute linki,
zapalu sej cigaretu, srěbnu lunk palinki.
To je nažel wšitko, štož je mi hišće wostało -
alkohol a tobak, moje bohatstwo.
Wabjenje mi slubi: Er vertreibt die Sorgen.
Tuž naliju sej dalšu škleńcu Captain Morgan a hišće jedyn vodka,
kruchaj lodu nutř. Nochcu hišće do łoža, hačrunjež je ćmowa nóc.
Ja wěm, zo sonju wo tebi, so za tobu žedźu.
Radšo hišće chwilu piju a sedźu.

Prošu će nutrnje, wusłyš moje wołanje, pisaj mi, přizjew so, zakónč tute chowanje! Chcu tola jenož, zo ty mje takle widźiš, byrnjež derje wěm, zo mje hidźiš.
Ale słuchaj prosće tola raz na mje: moja luba, ja prošu će wo wodaće!
(Ja prošu će wo wodaće.)

Wyše stupam, hłuboko padam.
Něhdy mějach wšitko, nětko ja hladam,
što dźens hišće wyše je. Ow, ja žadam,
štož je dawno zhubjene. Tuž ja tradam
nuzu, hłód a lačnosć dušinu.
Ćěmne mysle, jenož za tobu
moja wutroba žedźi. Pod kožu hłuboko
moja zrudoba sedźi. Ach, je to njesprawne!
Ja praju ći nětk jasnje, štož chcych dawno hižo rjec. Wěm, zo běch hłupak. Wěm, zo běch plinc. Ale njebě tola trjeba, zo sy so hnydom zhubiła.
Pomysli wšak jónu, što sy mi slubiła.
Wěčnje chcyše při mni wostać, a pon dyrbiš hnydom chłostać jedyn hłupy wokomik, za naju kaž dynamit.
Zmylki ta so móža stać, dyrbiš je tež wodawać.
Što by Jězus k tomu rjek? Ćěkaj? Kaž brjek!

Ale to sy činiła, sy so prosće zhubiła,
žana whatsapp, žadyn snap, tuž ja pisam tutón rap. Chcu tola jenož, zo ty mje takle widźiš, byrnjež derje wěm, zo mje hidźiš.
Ale słuchaj prosće tola raz na mje:
moja luba, ja prošu će wo wodaće!
(Ja prošu će wo wodaće.)

W swěće howri wirus, a we mni howri hněw.
Wobliča su wodźěte, ja napisam sej spěw,
wšako pytam dale pokoj a pytam dale lubosć.
Lubosć pak je wotešła a spóznaju tu hrubosć
mojoh cyłoh zymnoh žiwjenja - kajkež wone je.
Njem’žu hižo dale, cyle bjez tebje. Tuž pytam swoju tyzku,
na mojim blidźe chaos. W tyzce naju wobraz, w lěću, w Laos.
Ach, by no jenož zbožo zaso ke mni přišło.
Chcu tebje wróćo, wolu twoje čisło. Klinka, klinka, naraz sy ty tu.
To je moja šansa. Ja ju wužiju a ...

Prošu će nutrnje, wusłyš moje wołanje, pisaj mi, přizjew so, zakónč tute chowanje! Chcu tola jenož, zo ty mje takle widźiš,
byrnjež derje wěm, zo mje hidźiš.
Ale słuchaj prosće tola raz na mje: moja luba, ja prošu će wo wodaće!

Anruf beendet, wobraz do tyzki. Rano we wosmich. Hdźe je mój whiskey?

Što sy mi ty činiła, zo sy so prosće zhubiła, žana WhatsApp, žadyn snap,
tuž ja pisam tutón rap.
Chcu tola jenož, zo ty mje takle widźiš, byrnjež derje wěm, zo mje hidźiš.
Ale słuchaj prosće tola raz na mje: moja luba, ja prošu će wo wodaće!

свернуть