تجربه شعريه رائعه من تأليف الشاعر الكبير حسين السيد غناء نجاح سلام والحان الموسيقار رياض السنباطي
عايز جواباتك في عام 1956وقد كتبها الشاعر الرائع حسين السيد بشكل درامي متميز جدآ وجديد على شكل الاغنيه في ذلك الوقت وقد تم حذف بعض الابيات منها بواسطة الملحن رياض السنباطي لتكثيف قصة الاغنيه والتي قام بتلحينها بشكل درامي رائع واستطاع ترجمة كل كلمه مكتوبه بشكل لحني جميل وادت المطربه نجاح سلام الاغنيه بشكل مدهش واستطاعت ان تعبر بكل صدق بحنجرتها في كل كلمه تم كتابتها هذا الصدق الموجود في الكلمات واللحن والاداء ليخلدوا الاغنيه وتظل باقيه حتى الان
عايز جواباتك يعنى افترقنا خلاص...
عايز ايامك يعنى انتهينا خلاص
طويت صحايف عمرى معاك...و بايدى لمتهم
و فى رعشة القلب اللى هواك...وقع جواب منهم
ابتديت أقراه الكلام الحلو إللى ... جريت وراة
و اللى ضاع وياة عمر قلبى ...اللى انت عشت سنين معاة
سطرين و التالت و دموعى إنسابت....اكتر ماهى دموع الم
كانت اسف ودموع ندم....عالكلام اللى انت باعتة من سنه
اللى قلتة انت وصدقتة انا
و لقتنى بقول ... ده مش معقول
كل دة حبر فى ورق ...انهاردة بينحرق
القصور اللى كلامك كان بانيها
و اللى كل جواب فرش لى ركن فيها
كل دة كان حب؟...
و لا كنت بتسلى ايديك؟..مش كتبته بقلب؟
و لا حد كان غاصب عليك...؟؟؟
يا أحلى وهم صادفته...يأحلى كدب صدقتة
ميهمنيش انك خدعت القلب
بعد سنين هنا .. انا شفتهم
متهمنيش النار .. ادام النار
دى جنة .. كام سنة انا عشتهم
عايز جواباتك خدهم....خدهم ريحنى منهم
لا ... دول من حقى مش هبعتهم لك
لا دول حته منى روح انت لوحدك
دول اجمل حاجة انكتبتلى فى عمرى
دول عمر امبارح وكمالة عمرى
ها قراهم تانى ... و ها قابلك فيهم
يا فضلت احبك... يا كرهتك بيهم
عايز جوباتك يعنى افترقنا خلاص
عايز أيامك يعنى انتهينا خلاص
خلاص ...خلاص
صفحتنا على الفيسبوك:
[ Ссылка ]

свернуть