Le più belle poesie napoletane - Ernesto Murolo: INTERMEZZO D'AGOSTO - Le videopoesie di Gianni Caputo
Cuntrora d’ Austo.
P’ 'e viche
s’ arrostano e addorano ’e spiche... ’
L’asfardo se squaglia p’ ’a loggia nfucata;
se mmesca ’o prufumo d’ ’a sóvera acerva
c’ ’o senzo asprulente ’e cunserva
e ’addore d’ ’e panne ’e culata.
L’Ammore, d’ ’o Sole chiù ardente,
chest’ afa ’e calore nun sente...
Ciccillo è venuto in licenza à matina:
mo ’a gnora, ’e cuntrora, se stona e appapagna.
Ciccillo se magna cu ll’uocchie a Nannina,
Nannina, cu Il’uocchie, s’ ’o magna...
... S’ azzeccano ’e ssegge vicino...,
’e ddete se ntrecciano nzino...
Dic’ essa, tuccannolo ’npietto cu’ ’a mano:
— « T accoglie ’a ferita quann’ uno te tocca? ’
Ciccillo, vezzuso,risponne:
— « Se sana
si 'a tuocche vasanneme mmocca...
aspetta... e ma di' comm’ é stato
ca ’o core nun ll’ hanno tuccato?
Ciccillo, galante, risponne:
— « Ti giuro
mia cara,... che ho fatto uno scherzo al nemico:
...da quanno partette, pe’ sta' cchiù sicuro,
... ‘stu core è rummaso cu ttico...
Cuntrora d'Austo... E che suonno
ch’ ’a gnora ha pigliato...

свернуть