Milli Məclisin bu gün keçirilən iclasında Dövlət Bayrağının, Dövlət Gerbinin təsvirinin təsdiq edilməsi, Dövlət Himninin musiqisinin və mətninin təsdiq edilməsi haqqında Konstitusiya qanunu layihələri müzakirəyə çıxarıldı. Qanun layihəsinə əsasən, bayrağın və gerbin təsvirində hansısa dəyişiklik yoxdur. Dövlət Bayrağı eni bərabər olan üç üfüqi zolaqdan ibarət düzbucaqlı şəklindədir. Yuxarı zolaq mavi rəngdə, orta zolaq qırmızı rəngdə, aşağı zolaq yaşıl rəngdədir. Qırmızı zolağın ortasında aypara və səkkizguşəli ulduz təsviri var. Lakin himnin musiqsinin səslənməsində müəyyən dəyişikliklərin olması nəzərdə tutulub. Belə ki, himnin musiqisi orksetr yox, çoxsəsli vokal instrumental əsər not yazısı ilə təqdim olunmalıdır. Azərbaycan dövlətinin əsas simvollarna dair qanun layihələri qəbul edildikdən sonra deputatlar Xalq Cümhuriyyətinin 100 illiyi yubiley medalının təsis edilməsinə dair layihəni müzakirə etdilər.
Milli Məclis sədrinin müavini Bhar Muradova qeyd etdi ki, yubiley medalı cümhuriyyət qurucularının qoyub getdiyi irsin qorunub saxlanması, onların əsas arzusu olan Azərbaycan dövlətinin yaradılmasında xidməti olan, bu ideyanı ölməyə qoymayan insanlara təqdim olunacaq. Bundan əlavə, yubileylə əlaqədar Milli Məclisin özünün də tədbirlər planı mövcuddur. Parlamentin 100 illiyi münasibətilə ayrıca yubiley medalı, Azərbycan parlament tarixinə dair nəşr də hazırlanır.
İclasda parlamentin mədəniyyət, həmçinin Gənclər və idman komitəsinə yeni üzvlər seçildi. deputatlar "Şərəf" və "Dostluq" ordenlərinin təsis edilməsi haqqında" Qanuna dəyişiklikləri təsfiqlədilər. bundan əlavə, Azərbaycan Respublikasının İnzibati Xətalar Məcəlləsi, Cinayət Məcəlləsi və digər sənədlərə dəyişikliklər müzakirə edildi.
