Dy prej anëtarëve të kryesisë kanë dhënë dorëheqjen nga postet e tyre gjatë mbledhjes së Kryesisë e PD-së, e cila është shoqëruar me debate te forta.

Burime nga selia blu bëjnë me dije se deputetët e dorëhequr janë Flamur Hoxha i cili ka lënë edhe postin e tij si Sekretar Organizativ i PD-së dhe Ori Nebiaj.

Më herët ka dhënë dorëheqjen nga posti i Nënkryetares së PD-së edhe Jorida Tabaku, kjo e fundit mori vendim për të refuzuar dhe postin e kryetares së komanduar të Partisë Demokratike.

Më herët, kryesia e PD-së doli me vendimin që gara për kreun e ri të partisë të mbahet më 29 korrik.

Mbledhja u shoqërua me debate të forta ndërsa disa prej anëtarëve e braktisën atë, mes tyre Gazment Bardhi, Saimir Korreshi, Helidon Bushati, Dashnor Sula, Lefter Gështenja, Bledion Nallbati dhe Dhurata Çupi ndërsa nuk kanë votuar për hapjen e garës as Enkelejd Alibeaj, Kreshnik Collaku, Roland Bejko, Fitim Zekthi, Orjola Pampuri etj duke çuar në total numrin e deputetëve që nuk votuan në 17.

Mbledhja e cila ka zgjatur deri në orën 2 të mëngjesit ka shënuar dhe incidente kur disa nga deputetët demokratë janë përballur me kërcënimet dhe ofendimet e militanteve të Lulzim Bashës, pasi nuk morën pjesë në hapjen e garës për kryetarin.

Më pas, militantët kanë vërshuar për t’u përplasur me deputetët në ambientet e brendshme të godinës.

Lidhur me to ka reaguar kreu i grupit parlamentar Gazment Bardhi duke thënë se kjo është një sjellje që hedh në erë bashkëjetesën brenda forcës politike dhe dërrmon në mënyrë përfundimtare besimin e qytetarëve tek PD.

''Duke dënuar me forcë aktet e dhunës kundër deputetëve të PD, anëtarëve të Kryesisë dhe gazetarëve, u kërkoj secilit kolegë të distancohen publikisht prej tyre. Përmes dhunës, presionit dhe shantazhit nuk ndërtohet asgjë afatgjatë, në interes të demokratëve dhe të Shqipërisë'' përfundon mesazhin e tij Bardhi.

Ndërkohë kryesia ka lënë afat që deri më 20 qershor të dorëzohen kandidaturat për kreun e PD-së, ndërsa kandidatët do të kenë rreth një muaj afat për fushatë zgjedhore.

Gazetare: Megi Mëllilli


Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje. Ato përfshijnë të gjitha grupmoshat. Lajmet në RTSH, funksionojnë sipas një mendësie profesionale. Çdo lajm në RTSH, duhet të jetë i qartë, i kuptueshëm, i verifikuar e maksimalisht etik.

Për më shumë vizitoni: [ Ссылка ]

Subscribe to "Radio Televizioni Shqiptar" on YouTube Channel for NEWS and TV
Shows HERE: [ Ссылка ]
For more content from click HERE: [ Ссылка ]
Like RTSH on Facebook HERE: [ Ссылка ]
Follow RTSH on Instagram HERE: [ Ссылка ]
#Lajme#RTSH#RadioTelevizioniShqiptar

свернуть