Бәріңізге ассалаумағаликум. Назарбаев Түркиядағы атақты қонақүйін мемлекетке өткізіп бергені рас па? Экс Президент қалайша өте қымбат тұратын дүниесін оңайлықпен сыйлыққа бере салды? Ал америкалық кір жуушы өмір бойы жинап-терген қаражатын кедей отбасылардан шыққан балаларға степендия етіп тағайындаған. Ақшадан адамдықты жоғары қойған Маккарти мен Назарбаевтың айырмашылығы қандай? Қайсысы шын жомарт? Мұны сізге білген дұрыс! Құрметті көрермен каналымызға жазылып, қоңыраушаны басып қолдау көрсетіңіз! Қызықты әрі сұмдық ақпараттарды бірінші боп біліп жүріңіз!

Алдымен экс-президент Нұрсұлтан Назарбаевтың тырнақшаның ішінде «жомарттығы» жайлы айтайық. Ол Түркияның Анталья қаласындағы "Rixos" қонақүйін ҚР президенті іс басқармасының меншігіне өткізген. Бұл туралы Forbes.kz басылымы хабарлады. Басылым мәліметіше, наурыз айының аяғында Үкімет жанынан Экономиканы монополиясыздандыру жөніндегі комиссия құрылғаннан бастап белгілі бір активтердің мемлекеттік меншікке, негізінен сыйға тарту шарты нысанында ауысқаны туралы ақпарат анда-санда жарияланып келеді. Үкімет мұндай "сыйлықтарды" қабылдауды тиісті қаулымен бекітеді. Биыл мемлекетке қайтарылған мүліктер жөнінде ресми ақпарат жарияланбады. Мысалы, Назарбаев та қымбат мүлікті қайтаруға мәжбүр болғанын көбі біле бермейді. Бұл – Нұрсұлтан Назарбаевқа тиесілі Түркияның Анталья қаласында орналасқан Rixos қонақүйі. Аталған мүлік Қазақстанда "Алатау қонақүйі" АҚ ретінде тіркелген. 2021 жылғы 31 желтоқсандағы жағдай бойынша аудиттелген қаржылық есепке сәйкес, қонақүйдің 23%-дан сәл астамына Мемлекеттік мүлік және жекешелендіру комитеті, 77%-ына "Жылжымайтын мүлікті басқару дирекциясы" ЖШС иелік еткен. Соңғысы жеке "Елбасы қорына" тиесілі. Ал қор Назарбаевтікі. Ол қонақүйін өз еркімен берді ме әлде басқалай себеп болды ма, бұл жағы белгісіз.
Енді америкалық кір жуушы Маккартидың жомарттығы туралы ерекше оқиғаны естіңіз. Ол Назарбаев сияқты бір елді басқармаса да қолының ашықтығы мен ерекше тағдырымен бүкіл әлемді таңқалдырды. Оның керемет ісін Рамазан Ажниязов өз мақаласына арқау еткен. Баяндайық.
1908-жылы дүниеге келген Озеола Маккарти бала кезінен Оңт.Миссисипи универіне түсіп, медбике болуды армандаған. Бірақ 6-класта ауырып қалған тәтесіне қарау үшін мектепті тастап, одан кейін оқуын жалғастыруға мүмкіндігі болмады. Кір жуушы жұмысына орналасып, әр күн сайын бірнеше $ жалақы алып жүрді. Бірде ол Миссисипи Банкіне келіп өзіне жинақ есебін аштырады да күн сайын 1-2 $-дан сала бастайды. Одан не үшін жинап жатырсың деп сұрағанда: ,,Әжеме» деп жауап беріпті.
1944- жылы әжесі қайтыс болған соң да бұрынғы әдетімен аздап қаржы салуын тоқтатпапты. 70-жылдары шешесі де өмірден озады. Бірде банк қызметкері Озеолаға ақшасының бір бөлігін облигацияларға айналдыруды ұсынғанда ол оған аса мән бермей, келісе салады.
Ол сөйтіп 75 жыл бойы тұрмыс құрмастан, кір жуушы болып еңбек етіпті. Пенсияға шыққанша туған қаласынан да ұзап шықпаған. 1995- жылы банк қызметкері Пол Логлин Озеола соңғы аптада банкке келмей қалғасын үйіне барып не болғанын білгісі келеді( не деген қамқорлық десеңізші). Сөйтсе ауырыңқырап қалған екен. Өзінің алдында қаншама жылғы ауыр жұмыстан қалжыраған адамды көрген Пол банкке келгесін оның есеп-шотын тексеруге ұйғарады. Сонда ол таңқалды десек, ештеңе айтпағандық болар еді. 300000 $-ға жуық ақша жинақталып қалған екен. Көп ұзамай банкіге келген мисс Маккарти әуелгіде сенбей, көзі жеткеннен кейін: ,,Счетімде жата берсін» дейді. Банк қызметкерлері оған енді жұмыс істеудің қажеті жоқтығын, жиналған ақшаның шалқып өмір сүруіне жеткілікті екенін айтқанынан түк шықпапты. Озеола өзінің ақша үшін емес, адамдарға пайда келтіру үшін жұмыс істеп жүргенін айтады. Онда жинаған ақшаңызды қайда жұмсайсыз» дейді банкідегілер. Сонда Озеоала: ,,Кедей семьялардың оқуды армандайтын балалары үшін стипендия тағайындағым келеді» деп бар ақшасын соған аударатынын айтады. ,,Ал өзіңізге қанша қалдырасыз» десе, ,,мен өзімді асырауыма қауқарым жетеді» деп жауап береді.
Бұл оқиға әуелі штатқа, сосын бүкіл АҚШ-қа жылдам таралады да, көп адамдардың қорға ақша аударуына сеп болады.Медиа-магнат Тид Тернерге әсер еткені сонша, ол 1997- жылы 1 миллиард $-ды бір-ақ аударыпты.
Кір жуушы тәтені Миссисипи университеті студенттерімен кездесуге шақырып: «Қандай арманыңыз бар?» деп сұрағанда: ,,Менің стипендияма оқып, диплом алған оқушыны көріп кету» деген екен.
Өкінішке қарай ол арманының орындалғанын көре алмай, 1999-жылы 92 жасында Озеола Маккарти дүниеден озды. Ал бір жылдан соң оның қорының стипендиясын алған студенттердің ішінен алғашқы болып 18 жасар Стефания Баллок диплом алды.
Осы жерде айта кетейік жаны жомарт қарапайым кір жуушы 1996ж. Атланта олимпиадасының алауын алып жүру мәртебесіне ие болды. Гарвард универінің құрметті докторы атағын иеленді. Біріккен Ұлттар Ұйымының марапатын алды. Оның ісі «Нью Йорк Таймс» газетінің бірінші бетінде жарияланып, барлық орталық телеканалдардан көрсетілді.

свернуть