Bu barədə saytımıza Azərbaycan-Slavyan Gəncləri Assosiasiyasının (ASGA) sədri, 7NEWS.az saytının rəhbəri Səbuhi Abbasov deyib. Onun sözlərinə görə "İKİ ŞƏHİD QARDAŞIN QƏHRƏMANLIQ DASTANI – sənədli film” layihəsi Gənclər Fondunun dəstəyi ilə həyata keçirilib: "Azərbaycan-Slavyan Gəncləri Assosiasiyası olaraq biz son 3 ildə Gənclər Fondunun dəstəi ilə 3 film ərsəyə gətirmişik. Filmlərin hər biri Qarabağa həsr olunmuşdu. Bundan öncə biz Mingəçevirdən olan, aprel döyüşlərində şəhid olmuş tank komandiri Rahim Tağıyevə film çəkmişdik. Bu dəfə isə II Vətən müharibəsində şəhid olmuş 2 qardaşa film həsr edəcəyik. Mingəçevir şəhərindən olan şəhid qardaşlar bir gün fərqi ilə ön cəbhədə savaşaraq şəhidlik zirvəsinə ucalıblar. Əhmədov Əli İlqar oğlu və Əhmədov İslam İlqar oğlu düşmənin xeyli sayda texnikasını və canlı qüvvəsini məhv ediblər. Yaralı olmalarına baxmayaraq, döyüşə davam ediblər və son nəfəslərinə qədər düşmənə qan uddurublar”
S.Abbasov qeyd edib ki, Filmdə şəhid qardaşlarının ən yaxın qohumlarının yer alıb: “Biz filmdə şəhidin anasını, yaxın qohumlarını, dostlarını, müəllimlərini danışdırmışıq. Şəhid qardaşların anası Sevinc xanımın 1 istəyir var: Övladlarının adı “Əli-İslam” formasında 20 və ya 18 Saylı məktəbə verilsin. Ümid edirəm, aidiyyatı qurumlar ürəyi parçalanan ananın bu istəyini reallığa çevirməyi bacaracaqlar. Allah şəhidlərimizə rəhmət eləsin, Qazilərimizə şəfa versin. Göstərdikləri dəstəkdən dolayı Gənclər Fonduna təşəkkür edir və hər kəsi filmi izləməyə dəvət edirəm” #ASGA #GənclərFondu
