Жамбыл облысында жұртта қалғандай күй кешкен бірнеше ауыл бар. Бас ауырып, балтыры сыздаған үш ауылдың тұрғындарына жедел жәрдем жетпейді. Болған күнде де шақыртуға байланыс жоқ. Бар игіліктен жұрдай жұрт, жергілікті билік бізді естен шығарып алмады ма деп алаңдайды. Тілшіміз Нұрадин Рақай хат-хабарсыз қалған ауыл халқының сәлемін жеткізеді.
Көкдала елді мекеніндегі ел көбіне халық емімен емделеді. Жәдел жәрдем жоқ болғандықтан жалғыз медицинадан хабары бар жан жаяулатып бәріне жетпейді. Тұмау өршіп тұрған тұста шақырту да тым көп. Маманның қос ауылдың ортасында шабылып шаршағанын көрген күйеуі көлік алып берген.
АЙГҮЛ ТҮСІПОВА, Көкдала ауылының тұрғыны:
– Жедел жәрдем көлігі болмаған соң, өзім аралап, өзім неғылам енді. + Екі ауылды өзім қарап, өзім емдеп жүрем. /көлік жүргізіп баратып айтады
Сарысудың шалғайындағы қос ауылында 138 жан бар. Халық емінен шипа қонбай дерті дендеп бара жатса науқасты ауруханаға жеткізу азап дейді. Сондықтан жедел жәрдем қарастырылса деп тілейді.
БЕРСҮГІР ИМАНБАЕВА, Көкдала ауылының тұрғыны:
– Болмаса өзіміздің машинеге саламыз, тракторге саламыз. Алып-алып барамыз ауырған адамды.
Ал жауаптылар адам саны аз болғандықтан аталған ауылдарға жедел жәрдем қарастырылмады дейді. Дейтұрғанмен көрші ауылдың мейірбикесіне көмек көрсетуді жүктепті.
БАҒЛАН ҚЫДЫРБАЕВ, Сарысу аудандық орталық ауруханасының бас дәрігері:
– Көкдала елді мекендеріне бір мейірбике қарастырылған. Көкдала 2 ауылындағы маман бала күтіміне байланысты еңбек демалысында болуына байланысты Көкдала 1 ауылының мейірбикесіне үстеме жалақы беріп, қосымша жұмыс жүктелген.
Мына трактор мұнда мұнара қызметін атқарады. Алыс-жақыннан хат-хабар алу үшін осылай төбесіне шығуға тура келеді. Өйткені ауылда ешқандай байланыс жоқ. Сондықтан тұрғындар байланыс бағанасын орнатуды өтінеді.
Байланыстан тыс қалған елді мекендерді әкімдік естен шығармапты. Жалпы аудандағы 25 ауылдың алтауында интернет және байланыс мәселесін шешуді жоспарлап қойыпты.
ГҮЛНҰР АЛТЫНБЕКОВА, Сарысу аудан әкімдігі ішкі саясат бөлімінің басшысы:
– Кіші-Көкдала, Үлкен-Көкдала, Шағалалы елді мекендерінде интернет тарту 2023 жылы жүзеге асады. Ол бойынша облыста басқармаға хат жазылған. Қазақтелекоммен бұрын үй телефоны тартылған. Алайда тұрғындарға қолайсыз болған соң кәдімгі ұялы байланысты қалағандықтан бас тартты. Сарысу ауданы бойынша 25 елді мекен бар. 9 округ бар. Соның алтауында интернет төмен.
Байланыс биыл кіреді деген бұл сүйінші хабар көпті қуантып отыр. Бірақ жедел жәрдем мәселесі шешілмегендіктен халыққа ауырмаудың әдісін ойлап табуға тура келеді. Немесе халық емін мықтап меңгеру керек боп тұр.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
