Сөзү, обону: Максат Кулуевдики
Капилет калдык кезигип,
Караштык карек тешилип.
Көөдөндөн жүрөк жарылды
Күткөндөй кырк жыл эзилип.
Эх, сулуу да, кандай кебиң бар?
Теңирим ай кошкон теңим бар.
Капыстан калдык кезигип,
Эх, тагдыр ай, кандай кегиң бар?
Томогом сыйрып уча албайм
Торгойдой уям буза албайм,
Эми сен эмне дегиң бар?
Соккондой добул кагылдым,
Чагылган тийбей чабылдым.
Созулуп барып үзүлгөн
Зоодогу үндөй жаңырдым.
Таштабайм тапкан такамды,
Бөк кылбайм конгон сакамды,
Тагдырым ташка алса да,
Таштабайм бала-чакамды.
Ещё видео!