Gjykata e Kralevës në Serbi ka konfirmuar sot aktakuzën kundër tre policëve kosovarë Beqir Sefi, Rifat Zeka dhe Mustafë Shemi për veprat penale të prodhimit, mbajtjes dhe trafikimit të paligjshëm të armëve dhe lëndëve plasëse. Nëse këto vepra penale provohen, ata rrezikojnë dënim me burg deri në 12 vjet.
Pavarësisht kësaj, gjykata serbe vendosi që të pezullojë paraburgimin e tyre dhe që tre të akuzuarit të mbrohen në gjendje të lirë. Tre policët, pjesë e forcave speciale të Kosovës, u arrestuan më 14 Qershor, pasi sipas gjykatës serbe, ndodheshin më shumë se një kilometër në thellësi të territorit të Serbisë qendrore.
Pas arrestimit, qeveria kosovare kishte pretenduar se ata u rrëmbyen në territorin e Kosovës pranë një tryeze të improvizuar ku po konsumonin dreken, ndërsa pala serbe ka deklaruar se policët kosovarë u arrestuan në territorin serb.
Arrestimi nga Serbia i tre policëve Rifat Zeka, Beqir Sefi e Mustafë Shemi nxiti reagime të shumta në arenën ndërkombëtare që kërkuan lirimin e menjëhershëm dhe pa kushte. Sot përmes një postimi në Twitter, Kryeministri i Kosovës, Albin Kurti ka shkruar se edhe pse janë të gëzuar që policët po kthehen në familjet e tyre, ky rrëmbim është shkelje e rëndë e të drejtave të njeriut dhe duhet të qortohet. Sipas tij, Serbia duhet të mbajë përgjegjësi, për një shkelje të rëndë të të drejtave të njeriut.
Në konferencën për media me guvernatoren e shtetit të Iowas, Kim Reynolds presidentja e Kosovës, Vjosa Osmani ka falenderuar Shtetet e Bashkuara të Amerikës për lirimin e tre policëve të rrëmbyer nga Serbia.
Tv Klan
#serbia #kosova
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!