Өткен тәулікте 15 жастағы ер бала Хромтау ауданы Майтөбе ауылында Ор өзеніне жеке көлігімен суға батып кетіп, қаза болды. Жағада достарымен бірге демалған жасөспірімдер "Уаз" көлігімен бірге опырылған жардан суға құлаған. Үш бала судан өз беттерімен шыққан. Көлік тізгініндегі бала мүрдесі бүгін таңда 6 метр тереңдіктен сүңгуірлердің көмегімен шығарылған. Өткен демалыс күндері облыстағы өзен-көлдерде төрт ақтөбелік суға кетіп қалған. 30- тамыз күні түнгі сағат 11-де Темір ауданы Бабатай ауылынан 7 шақырымда ағып жатқан Бабатай өзеніне шомылған 59 жастағы ер адам қайтыс болды. Оның мүрдесін жанында бірге шомылған таныстары алып шыққан. Екінші жағдай Хромтау ауданы Майтөбе ауылының маңындағы Ор өзенінде тіркелген. 4 кәмелетке толмаған бала "Уаз" көлігімен аталған өзеннің жағасында демалады. Биікте тұрған көлік суға құлап, рөлде отырған жеткіншек су түбіне көлікпен бірге кетіп қалған. Үш бала аман қалған. Сондай-ақ, қалалықтардың сүйікті мекеніне айналған Заречный көпірінің астындағы Елек өзенінің сағасына шомылған ер адам суға кетіп қала жаздады. 20 жастағы жігіттің жағдайы ауыр. Кеше бестер шамасында суға шомылған оны тұңғиыққа батып бара жатқан жерінен құтқарушылар байқап қалады. Жітгтке жағада алғашқы медициналық көмек көрсетілген. Облыстық жедел жәрдем ауруханасына жеткізіледі. Қазір жансақтау бөлімінде жатыр. Айта кетелік, 1-ші қыркүйектен бастап өңірдегі өзен-көлдерде суға шомылу маусымы аяқталды. ТЖД қызметкерлері мен жергілікті полиция мамандары су маңдары мен жағажайларда рейд жүргізетін болады. Салынған тыйымға бағынбай, суға түскендерге 5 АЕК көлемінде айыппұл салынады.

Сайт телеканала [ Ссылка ]
Twitter [ Ссылка ]
Вконтакте [ Ссылка ]

свернуть