السلام عليكم ورحمة الله
متابعي قناة فيتامينو كيف حالكم ان شاءالله طيبين
فيديو مهم جدا للناس المهتمة ب #الصمغ_العربي حاوريك فيهو كيف تقدر تفرق بين صمغ #الهشاب و #الطلح
انا عوض عبدالرحمن ودي قناة #فيتامينو تابع معاي للاخر
#الاكاسيا عائلة كبيرة من الاشجار وكلها عندها القدرة علي انتاج الصمغ ولكن يختلف مكونات الصمغ الناتج مع اختلاف الشجرة اما في المظهر العام بنلقي في تشابه كبير وقد يصعب التفريق بيناتهم لانو كلهم في النهاية صمغ لكن النوع الافضل هو صمغ الهشاب ودة لانو فوائده العلاجية مثبتة بالابحاث العلمية وانا اتكلمت عنه في فيديو سابق طيب انا كيف اقدر اميز صمغ الهشاب من الاصناف التانية ودة سؤال جوهري جاني من احد المتابعين وانا بحيو وعشان اجاوب علي السؤال دة انا عملت الحلقة والسؤال دة مهم لانو الناس بتشتري صمغ الهشاب دائما لغرض العلاج ودة غرض حساس وما ينفع فيه صمغ مغشوش او مخلوط بمواد تانية لو انت في السودان ما حتلقي صعوبة عشان تحصل علي صمغ الهشاب
لكن بالنسبة للزول الما في السودان كيف يعرف الهشاب الاصلي اذا وجد طريقة انو ياخد عينة ويمشي بيها معامل الاغذية بيكون افضل لكن دي طريقة ممكن تكون صعبة ومكلفة او ما متوفرة لبعض الناس لازم يكون في وسائل بديلة وعشان تتعرف علي صمغ الهشاب بصورة اوضح جبت معاي عينة من صمغ الهشاب ياها دي وبالمقابل عندي عينة تانية من صمغ الطلح عشان نعرف كيف نقدر نفرق بينهم فمثلا واحدة من الطرق المستخدمة والشائعة في ناس بتقول انو صمغ الهشاب لونو ابيض والطلح لون احمر طيب انا حاليا معاي صمغ هشاب اصلي لكن لونو بني مايل للاحمر وفي نفس الوقت هو هشاب معناهو اللون ما يعتبر وسيلة فعالة والهشاب بتلقي فيهو الابيض وحتي البني والاحمر اذا انت عندك خبرة في الهشاب ممكن تعرفو فقط من الطعم والنكهة لكن للزول الما عندو الحاجة دي انا اوريك طريقة تعتمد عليها تعتمد خصوصا في التفريق بين صمغ الهشاب والطلح وهي الصلابة والتماسك الهشاب بيتميز بانو صلب جدا متماسك ودة بكون واضح جدا اذا جيت تحاول تكسرو
اما الطلح فهو هش جدا وساهل انك تكسرو والكلام دة باين حتي من المظهر بس لكن في الحالة دي لازم الصمغ يكون بوضعه الطبيعي في شكل كتل و الصمغ المسحون مافي طريقة ليهو الا عن طريق المعمل
وعندنا في السودان كل شجرة عندها موسم لانتاج الصمغ
شجرة الطلح موسم انتاجه في الصيف اما الهشاب فموسم انتاجه في الشتاء
اتمني يكون الفكرة وصلت وبعد الفيديو دة اكيد حتعرف كيف تعرف صمغ الهشاب
تابعني لو عايز تشوف فيديوهات تانية واشوفكم في فيديو جديد
What is your BMI? مؤشر كتلة الجسم [ Ссылка ]
الفرق بين صمغ الهشاب والطلح
