Ақтөбеде оқушы бала өз сыныптасын пышақтап тастапты. Бұл жолы сөзге келіспей сыныпта төбелес шығарғандар облысқа атағы дардай дарынды балаларға арналған мектеп - интернатының оқушылары. Мұғалімдер, 10 - сыныпта оқитын екі бала да сабақты өте жақсы оқитын, үлгілі оқушылар деп отыр. Ал, мектепте пышақталған оқушы бір өлімнен аман қалған дейді дәрігерлер. Сөздерінше кеуде қуысына бес-алты сантиметрге дейін кірген пышақ абырой болғанда баланың жүрегіне жетпей қалыпты.
