"القلب يعشق كل جميل".. غناء نجاح سلام
كلمات محمود بيرم التونسي وألحان رياض السنباطي
إشترك في القناة ليصلك كل جديد
وهذه كلمات الأغنية
القلب يعشق كل جميل وياما شفت جمال يا عين
واللي صدق فى الحب قليل وان دام يدوم يوم ولا يومين
واللي هويته اليوم دايم وصاله دوم
لا يعاتب اللى يتوب ولا فى طبعه اللوم
واحد مافيش غيره ملا الوجود نوره
دعاني لبيته لحد باب بيته واما تجلى لي بالدمع ناجيته
كنت ابتعد عنه وكان يناديني
ويقول مصيرك يوم تخضع لي وتجي لي
طاوعني يا عبدي طاوعني انا وحدي
مالك حبيب غيري قبلي ولا بعدي
انا اللى اعطيتك من غير ما تتكلم
وانا اللى علمتك من غير ماتتعلم
واللي هديته اليك لو تحسبه بايديك
تشوف جمايلي عليك من كل شيء اعظم
سلم لنا سلم لنا سلم لناااااااااااااااا تسلم
مكة وفيها جبال النور طلة على البيت المعمور
دخلنا باب السلام غمر قلوبنا السلام بعفو رب غفور
فوقنا حمام الحما عدد نجوم السما
طاير علينا يطوف الوف تتابع الوف
طاير يهني الضيوف بالعفو والمرحمه
واللي نظم سيره واحد ما فيش غيره
دعاني لبيته لحد باب بيته واما تجلى لي بالدمع ناجيته
جينا على روضه هلَّه من الجنة
فيها الاحبه تنول كل اللى تتمنى
فيها طرب وسرور وفيها نور على نور
وكاس محبه يدور واللي شرب غنى
وملائكة الرحمان كانت لنا ندمان
بالصفح والغفران جاية تبشرنا
يا ريت حبايبنا ينولوا ما نلنا
يا رب توعدهم يا رب و اقبلنا
دعاني لبيته لحد باب بيته واما تجلى لي بالدمع ناجيته...
