TIRANE- Tifozat e klubit të futbollit Tirana, "Tirana fanatics", kanë protestuar sërish para Bashkisë së kryeqytetit duke kërkuar një zgjidhje për vështirësitë financiare ku gjendet ekipi i tyre i zemrës. Sipas tifozëve zgjidhja duhet të vijë nga bashkia, pasi plot ka patur premtime por deri më tani asgjë konkrete.
Por duke i premtuar sërish për një zgjidhje, vetë kreu i bashkisë së Tiranës, Lulzim Basha pak çaste para nisjes së protestët zgjodhi të takojë vetë disa nga tifozët.
Prej disa kohësh klubi futbollit "Tirana" gjendet në vështirësi ekonomike, ndërsa ende nuk ka një plan nga bashkia e kryeqytetit si zotërues i klubit dhe aseteve të tij, se çfarë do të bëhet dhe nëse do të ketë një zgjidhje financiare qoftë dhe privatizim siç ka ndodhur me klubet e tjera të futbollit.
