“Aydınlığa doğru” milli-mənəvi dəyərlərin qorunması İctimai Birliyi Türk İşbirliyi və Koordinasiya Agentliyi ilə birlikdə növbəti sosial çarxını çəkdi. “Ailə akademiyası” layihəsi çərçivəsində çəkilən bu sosial çarx milli-mənəvi dəyərlərimizə söykənən ailə anlayışını, adət-ənənələrimizi əks etdirir.

Boşanmaların daha geniş vüsət aldığı bir dövrdə gənclərimizin bir qismi ailə qurmaqdan qorxurlar. Ətrafda boşananların çoxluğu onları ailə qurmaqdan çəkindirən səbəblərdəndir. Belə bir düşüncənin əslində yanlış olduğunu, ailənin insana xoşbəxtlik gətirdiyini, həyatın çətin məqamlarında ailənin insana dayaq olmasını, çətinlikləri birlikdə dəf etməkdə ailənin rolunun əvəzsiz olması fikrini əsas götürərək, “Ailə xoşbəxtlikdir” devizi altında 1:48 saniyəlik sosial çarx çəkildi. Sosial çarxın rejissoru Elxan Cəfərov, ssenari müəllifi Günel Mönsümova, operatoru Nadir Mehdiyedir. Sosial çarx Şəkidə lentə alınıb. Bu sosial çarx “Aydınlığa doğru” milli-mənəvi dəyərlərin qorunması İctimai Birliyinin “Ailə akademiyası” layihəsi çərçivəsində çəkilən 2-ci işidir.

Qeyd edək ki, “Ailə akademiyası” layihəsi çərçivəsində çəkilən “Onlardan biri mənəm” sosial çarxı H.Əliyev Fondunun, Ailə, Uşaq və Qadın problemləri üzrə Dövlət Komitəsinin və BMT-nin Əhali Fondunun birgə təşkilatçılığı ilə həyata keçrilən “Azərbaycan ailəsi - 2015” VII film festivalında “Ən yaxşı sosail çarx” nominasiyası üzrə qalib olub.

свернуть