اشترك في منصة بصمة الإبداع الإعلامية وفعّل جرس التنبيه للوصول إلى أحدث الاصدارات الفنية:
[ Ссылка ]
للتواصل والاستفسارات :
الحسابات الرسمية لـ منصة بصمة الابداع .
Official Whatsapp :
الرابط محادثة الواتساب المباشر :
[ Ссылка ]
+966562778026
Official Snapchat :
[ Ссылка ]
Official Twitter :
[ Ссылка ]
Official Instagram :
[ Ссылка ]
ـــــــــــــــــــ
كلمات العمل
مرحبا باللي حضر من قريب ومن بعيد
عد ما هل المطر من مزون خيالها
في حفل سطام قلنا الجديد من القصيد
من هجوس الشاعر اللي يجيب أجزالها
مال سطام الوفاء غير من جزل الجديد
المثايل نحذف اضعافها و هزالها
والله اللي تستحق المدايح والنشيد
طيبات القافيه تنطحك بأمثالها
جعل مثلك يا اخو نمشه على الدنياء سعيد
طيلت الأعوام وأيامها وليالها
وانت حر ٍ معتلي للعلا في راس حيد
والحرار الشقر منزالها فجبالها
يا ولد شيخ ٍ يكف الضديد من الضديد
يحتمي الميقاف والكايده حلالها
و أبو فهد كل طيّب على فعله شهيد
والرجال الطيّبه تنعرف باقوالها
ابن منيخر طيّب الراس والقلب الحديد
شجرة ٍ على الجماعه يظل ظلالها
مشتهر بالجود والصدق والرأي السديد
والخصال الطيّبه معتلي منزالها
مجلسه بكبار ربعه يفيد ويستفيد
فوق حمله حمل ربعه يشيل أثقالها
فيه دين وفيه تقوى من الدنياء زهيد
والرجال اهل الوفاء ما يغط افعالها
يحشم الـ سفران ربعه مطوّعة العنيد
وكم عقيد طاح في الكون من خيّالها
هم عضوده فالمواقف وهو نعم العضيد
والمراجل مالها غير روس رجالها
من مثل ربعه ذخرهم على الدنياء رصيد
الزحول اللي نهار القسى يعنالها
والله اني لا ذكرته وابو هلا ووليد
معتلين الطائله فوق روس أطوالها
وشافي الله يرحمه راعي البأس الشديد
لا رقص شيطانها واجهلت عقالها
وشيخنا خميس ذرانا عسى عمره مديد
كان كبرت واصعبت شيخنا شيالها
قلتها وإخوان نمشة مزبنة الضهيد
ولا تخيّب ظن من فالصعايب جالها
ولا جهل راعي المعاند على جهله نزيد
حن جهاهيل الجهل لا اجهلت جهالها
وانت يا سطام كل ٍ على طيبك يشيد
ولا يروم فعول الأبطال غير أبطالها
والنعم بالجد والأب يا نعم الحفيد
طايل الطولات يا قل منهو طالها
كل ما شفت المسايير عندك يوم عيد
عيلم الهداج دايم طوال حبالها
و الحظيظ اللي مماشيه بين الناس سيد
ومن عرف مظهارها ما جهل مدخالها
والختم صلو عدد ما كتب وسط البريد
وعد وبل ٍ سيّل الاوديه وسهالها
للرسول الهادي الشافع بيوم الوعيد
هو شفيع الخلق يوم الحشر وأهوالها
