İyulun 22-də Azərbaycan Respublikası Medianın İnkişafı Agentliyinin təşkilatçılığı ilə Şuşada “Mediada qlobal trendlər, yeni çağırışlar” mövzusunda Beynəlxalq Media Forum keçirilib. AZƏRTAC-ın İdarə Heyətinin sədri, Asiya və Sakit Okean Ölkələri Xəbər Agentlikləri Təşkilatının (OANA) vitse-prezidenti, İslam Əməkdaşlıq Təşkilatı ölkələrinin Milli Xəbər Agentlikləri Birliyinin (UNA) Şura üzvü Aslan Aslanov Forumun “Azərbaycan mediasının beynəlxalq əməkdaşlıq perspektivləri” adlı 4-cü sessiyasında çıxış edib.
