Lajme Arkiva 2005
Një super operacion i policisë italiane në Milano dhe Trento ka çuar në prangosjen e anëtarëve të bandës kriminale që për muaj me radhë ka terrorizuar veriun e Italisë.
23 të ndaluarit, 15 shqiptarë dhe 8 italianë akuzohen për të paktën 60 grabitje vilash, trafik lëndësh narkotike, armëmbajtje pa leje dhe veprimtari të tipit mafioz.
Shumë nga goditjet e bandës italo-shqiptare janë shoqëruar nga episode dhune, si ajo e vrasjes së dyfishtë gjatë grabitjes së banesës së familjes Boneti në Breshia.
Bastisja e 30 shtëpive, bareve dhe klubeve të natës në Milano kanë nxjerrë në pah dhe një tjetër element të rëndësishëm. Mes gjërash të tjera agjentët kanë gjetur tablo me vlerë, bizhuteri, por dhe 30 mijë euro cash që me të gjitha gjasat janë fryt i vjedhjeve.
Blici policor vjen pas muaj të tërë hetimesh mbi grupin në fjalë. Pjesëtarë të tjerë të bandës së grabitësve, 28-vjeçari Artur Ceka dhe Emiljano Reshi, 34 vjeç, ishin arrestuar në 8 Maj në Shqipëri.
Për ndalimin e tyre qe e nevojshme ndërhyrja e reparteve speciale të policisë shqiptare. Që me fillimin e hetimeve të cilat do të çonin në aksionin e muajit Shkurt kur u bënë edhe disa ndalime në Itali dolën në dritë fakte që e lidhnin organizatën me një seri të papërcaktuar krimesh që varionin nga vjedhjet e deri tek trafiku i drogës.
Banda kishte arritur që të konsolidohej duke përmirësuar organizimin e brendshëm dhe ndarjen e roleve por gjithnjë në pozitat e ruajtjes së kontaktit me Shqipërinë, ku sipas hetuesve italianë edhe dërgoheshin paratë e nxjerra nga aktiviteti i saj.
Po në vazhdën e këtyre hetimeve është arritur të zbulohet edhe vendndodhja e Klodian Ndojit, i riu shqiptar që u arratis nga burgu milanez i Sampditores në 12 Prill. Ndoji, që thuhet të jetë në Spanjë, është gjithashtu pjesë e bandës së ndaluar sot nga policia italiane./tvklan.al
Gazetare: Mimoza Koçiu
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
