Астаналық тұрғындардың бірі бас қаланың жедел жәрдем қызметінің баяулығына шағымданады. Шынашақтай бүлдіршініне дем жетпей, шыбын жаны шырқырағанда, 103-ке хабарласқан жас ананың айтуынша, ақ халаттылар шақыру түскен сәттен тура екі сағат өткенде әрең жеткен. Бұған қатты наразы болған ата-ана "Астана қалалық жедел жәрдем қызметі мен Ростов зоопаркінің тасбақасы арасындағы 10 айырмашылықты табыңыз" деп, әлеуметтік желіде талқылау да ұйымдастырды.

Әлеуметтік желідегілерді қайдам, үштегі Ерасыл тасбақа мен жедел жәрдем арасындағы басты айырмашылықты енді жақсы біледі. Өйткені кеше іші бүріп, бүк түскенде асыға күткен дәрігерлер арқасы емес, аяғына тас байлағандай әрең жеткен бұлардікіне. Есікке елеңдеген сол 2 сағатта баланың шын мәнінде жаны шығып кете жаздады.

АЛТЫН ЗАЙНУЛЛИНА, Ерасылдың анасы:

Егер скорый келіп гармональный укол жасамаса құдай бетін аулақ қылсын, бұл бала о дүниелік болып кетуі мүмкін еді

Алтынның айтуынша, Ерасылды дімкәс еткен де дәрігерлер. 1 жасында қызылшаны "баспа" деп емдеп, ақыры пневманияға ұрындырды. Содан бері болмашы жұқпадан демікпесі қозып, дем ала алмай қалады. Кеше ыстығы көтерілгенде анасы 21:54 те жедел жәрдем шақыртқан. Құтқарушылары тек 23:50-де жеткен. Оған дейін білгенін істеп жүріп, анасы баласын өзі ажалдан арашалап бағыпты.

АЛТЫН ЗАЙНУЛЛИНА, Ерасылдың анасы:

Жарайды менің жағдайым. Мұнда 40 градус болып, судорга беріп жатқан балалар болады ғой. Егер оларға 2 сағатта барса, енді олар өліп кетеді ғой.

Жедел медициналық көмек бекетіндегілер шамамыз келгенше шапшаң жеттік деп отыр.

ОЛЬГА ПУШКАРЕВА:

Я немогу так сказать что со скоростью черепахи. Обычный скростной режим 60 км в час. Если есть срочный вызов конечно есть и превышения.

Қалалық жедел жәрдем бекеті Ерасылдың үйінен ұзаса 1 мың метр жерде. Біз үйден жедел жәрдемге асықпай жүріп, 7 минутта жеттік. Жаяу аяңдаған адам 20 минутта барады. Мәселен мына сағатына 800 метр жылдамдықпен қозғалатын тасбақа үйден шықса, жедел жәрдемге небәры 1 сағат 20 минутта жетер еді. Яғни "дереу" жеткен жедел жәрдемнен 40 минут ерте.

свернуть