Ақмола облысының орталығы Көкшетау көркейіп келеді. Шаһарда жыл басынан бері 224 мың шаршы метр тұрғын үй пайдалануға берілген. Көкшетаулықтарды көптен алаңдатқан орталық бу қазандығындағы күрделі жөндеу жұмыстары толық аяқталған. Бұдан бөлек, 27 шақырымнан астам жолға жаңадан асфальт төселген. Бұл туралы қаланың әлеуметтік-экономикалық даму қорытындысына арналған есептік кездесуде Көкшетау қаласының әкімі Бауыржан Ғайса мәлімдеді.
Ақмола облысының орталығында шағын және орта кәсіпкерлік субъектілерінің саны он тоғыз мыңға жуықтаған. Бұл былтырғы көрсеткіштен он пайыз жоғары, - дейді Көкшетау қаласының әкімі. Осының арқасында бір мыңнан астам жаңа жұмыс орны ашылған.
БАУЫРЖАН ҒАЙСА, Көкшетау қаласының әкімі:
– Көкшетау қаласының жұмыс істеп жатқан және жаңа құрылған шағын бизнес саласының кәсіпорындарында жыл басынан 1084 жаңа жұмыс орны құрылды. Шағын бизнес субъектілерінің қызметінен бюджетке түсетін түсімдер сомасы 13,3 миллиард теңгені немесе 2021 жылдың көрсеткішіне 106,3 пайызды құрады.
Бұдан бөлек, Көкшетау мен Красный яр елдімекенінде көше бойындағы сегіз жүзден астам жарықтандыру шамы ауыстырылған. Екі шақырымдық апатты жағдайда тұрған электр сымы жаңартылған. Көкшетаулықтар биыл жылудан таршылық көрмейді. Қазір орталық екі жылу қазандығының күрделі жөндеу жұмысы толық аяқталған. Бұл мақсатқа облыс бюджетінен екі жарым миллиард теңгеге жуық қаражат жұмсалған.
ДАНИЯР ҚУАНЫШБАЕВ, Ақмола облыстық энергетика және ТҮКШ басқармасының басшысы:
– Жылумен жабдықтау жүйесін жаңғыртуға, сондай-ақ энергия ресурстарын сатып алуға 11 миллиард теңгеден астам қаражат бөлінді. Қазандықтар мен жылу желілерін салу және реконструкциялау бойынша 3 нысанның құрылысы толық аяқталды. Қосымша 30 көпқабатты тұрғын үй мен 260 жеке және әлеуметтік нысан орталық жылу жүйесіне қосылды.
Денсаулық саласында да атқарылған жұмыс көп. Биыл бір ауысымда 500 адамды қабылдай алатын жаңа клиникалық оңалту орталығы пайдалануға берілді. Жоба құны 1 миллиард теңгеден асады.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
