Operacionet e kërkimit dhe shpëtimit po zhvillohen në Aeroportin Ndërkombëtar të Muan-it në Korenë e Jugut, ku të paktën 120 persona humbën jetën në një aksident fatal ajror të dielën (29 dhjetor).
Fluturimi 7C2216 i Jeju Air po vinte nga kryeqyteti tajlandez Bangkok me 181 persona në bord, kur tentoi të ulej pak pas orës 9 të mëngjesit (0000 GMT), tha Ministria e Transportit e Koresë së Jugut.
Avioni u pa duke u ulur pa rrota, duke dalë nga pista dhe duke shpërthyer në flakë pasi u përplas me një mur, tha agjencia kombëtare e zjarrfikësve.
Ministria e Transportit konfirmoi të dielën viktimat në aksidentin ajror më vdekjeprurës që ka përfshirë një linjë ajrore të Koresë së Jugut në gati tre dekada.
Dy anëtarë të ekuipazhit, një burrë dhe një grua, u shpëtuan nga pjesa e pasme e avionit që digjej, tha një zyrtar i zjarrfikësve në Muan. Agjencia e lajmeve Yonhap citoi një zyrtar zjarrfikësish duke thënë se shumica e 175 pasagjerëve dhe gjashtë anëtarëve të ekuipazhit mendohet se kanë humbur jetën.
(c) 2024 Thomson Reuters, unless otherwise identified. Full statement available at [ Ссылка ]

#news24albania #lajmeshqip #lajme #lajmifundit #News24AL #news24 #reuters #reutersnews

свернуть