Мамыр айынан бері аймақтың барлық аудандарынан 300 отбасы сайысқа түскен еді. Тізімде 10 ұлттың өкілдері бар.

Мамандықтары да сан түрлі. Металлургтер мен шахтерлар, дәрігерлер мен мұғалімдер, сақшылар мен спортшылар әулеттері өзара мықтыны анықтады.

Үш кезең қорытындысы бойынша, үздік шыққан 5 отбасы кеншілер мәдениет сарайында салтанатты жағдайда марапатталды.

Бас жүлде жезқазғандық Мейрамовтар отбасына бұйырды. Металлургтер әулетінің өндіріс саласындағы жалпы еңбек өтілі 447 жыл.

Енді олар «Мерейлі отбасы» ұлттық байқауының республикалық кезеңіне қатысатын болады.

Оразалы Мейрамов, «Мерейлі отбасы» байқауының жеңімпазы

-Қуанышты болғанда қандай, жүрек жарылуға таяу, әр отбасы әртүрлі жолмен бақытқа жетеді. Шыдау керек, төзу керек, соның арқасында. Ал ең алтын діңгегі қайткенде де еңбек, еңбек етпесең ештеңе болмайды.

свернуть