"Pro Business" një emision nga Oljana Maloku në Klan Plus.
Emisioni Pro Business në televizionin Kombëtar Klan Plus është ndalur tek tek Paketa e re fiskale, ndryshimet që sjell për qytetarët dhe bizneset. Në një intervistë me gazetaren Oljana Maloku, eksperti i ekonomisë Z. Enton Duro tha se në tërësi kjo paketë fiskale bën një hap pozitiv drejt një pozicioni më të mirë fiskal.
“Jemi në ditët e para të konsultimit të paketës fiskale dhe në tërësi shikohet një pozicion i ndryshëm nga ai i mëparshmi. Duket sikur në tërësi paketa fiskale po merr në konsideratë atë çka FMN-ja në vazhdimësi ka thënë, reduktimi i përjashtimeve tatimore. Kjo po ndodh me 6% e TVSH-së tek tregjet bujqësore, po ndodh me rikthimin e TVSH tek importet e makinerive etj. Në tërësi kjo paketë fiskale bën një hap pozitiv drejt një pozicioni më të mirë fiskal. “- tha Duro
Sa i përket tatimit mbi pagat Duro tha se qeveria po reflekton mbi atë cfarë nuk është pritur mirë nga qytetarët.
“Jemi në vitin e 9 të progresivitetit mbi pagat dhe nëse do të bëjmë një krahasim midis pozicionit fiskal nga viti 2013 e këtej dhe përpara vitit 2013 ka ndodhur një ndryshim, midis taksës së sheshtë që ishte më para dhe taksës progresive që u vendos nga kjo qeveri. Ky progresivitet nuk është se u prit shumë mirë, norma e taksimit arriti deri në 23% për vlerën 1.3 dhe më pas u shty deri në 1.5 milionë dhe tani duket që qeveria ka marrë në konsideratë pikërisht këtë opinion. “
Por sa do të përfitojnë më shumë qytetarët nga tatimi i ri mbi pagat?
“Shtesa në të ardhura mujore do të jetë rreth 1300 lekë, pikërisht ajo pjesë e tatimit dhe kjo do të ndodhë dhe për fashën nga 40000 deri në 50000, pra dhe aty përgjysmohet.Përsa i përket tatimit progresiv ne jemi diku më lart diku më ulet, pra jemi rreth një mesatareje me rajonin. Tatimi mbi pagën është një tatim i cili natyrshëm vjen në buxhetin e shtetit dhe ajo lidhet edhe me kontributin që jep individi në tregun e punës. “
Ndiqni për më tepër emisionin e plotë!
Intervistë me ekspertin e ekonomise Z. Enton Duro.
#paketefiskale #taksa #paga #tatim #bujqesi #entonduro #oljanamaloku #probusiness #klanplus
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
