ما تيجوا نشوف حاجة بسيطة ورخيصة ومتوفرة في بيوتنا كلنا زي السمسم ممكن تعمل ايه في صحتنا؟
تعرفوا ان السمسم فيه ٧٠٠% كالسيوم اكتر من الموجود في اللبن! مش كالسيوم بس.. كمان هو مصدر محترم جدا للماغنسيوم والزنك وفيتامينات زي النياسين والياسمين وفيتامين ب٦

السمسم كمان مصدر كويس جدا للالياف والدهون الصحية، وده بيخليه تأثيره قوي جدا على خفض معدلات سكر الدم، وتقليل مستويات الكوليسترول والدهون الثلاثية، بيقلل الالتهابات وبيخفض ضغط الدم المرتفع، فبالتالي هيكون مفيد جدا لصحة القلب والحماية من الجلطات والسكتات الدماغية

السمسم غني جدا بمضادات الاكسدة، وبيدعم جهاز المناعة وبالتالي بيخفف من آلام الركبة الناتجة عن الالتهابات سواء كانت بسبب اضطراب مناعي او اسباب تانية، كمان بيدعم عمل الغدة الدرقية وبيدعم مستويات الهرمونات الصحية في فترة انقطاع الطمث عند السيدات

سهل جدا ندخل السمسم لنظامنا الغذائي عن طريق اننا ناخد طحينة السمسم او ناخد السمسم في صورته الطبيعية، معلقة واحدة نضيفها على وجباتنا كل يوم هتخلي الطعم احلى وهتفرق في صحتنا كتير

свернуть