Policia gjermane e ka nisur një operacion të gjerë kërkimi në qytetin perëndimor të Gjermanisë, Solingen, pasi tre njerëz u vranë dhe tetë të tjerë u plagosën gjatë një sulmi me thikë në një festival të premten vonë.

“Policia është duke e kryer një operacion të gjerë kërkimi për kapjen e autorit”, thuhet në njoftimin e policisë gjermane. Forca të shumta policore, përfshirë njësi speciale, janë mbledhur përreth qendrës së qytetit Solingen. “Edhe viktimat, edhe dëshmitarët janë duke u marrë në pyetje”, tha policia. Sulmi ndodhi të premten pas orës 21:00 kur sulmuesi theri me thikë disa persona në një shesh në qendër të qytetit. Policia tha se i dyshuari është në arrati dhe se autoritetet e sigurisë kanë shumë pak informacione për të.

Sipas policisë, sulmi u krye nga një sulmues i vetëm. “Festivali i Shumëllojshmërisë”, i cili shënon përvjetorin e 650-të të qytetit, nisi të premten dhe duhej të mbahej deri të dielën. Solingeni ka rreth 160.000 banorë dhe ndodhet afër qyteteve të mëdha Këln dhe Dyseldorf. “Ne jemi thellësisht të tronditur nga sulmi brutal në festivalin e qytetit në Solingen”, tha ministrja e Mbrojtjes e Gjermanisë, Nancy Faeser, në një komunikatë të shtunën. “Autoritetet tona të sigurisë janë duke bërë gjithçka për ta kapur autorin”, shtoi ajo.

Gjermania është përfshirë nga një valë në rritje e sulmeve të dhunshme me thikë në vend dhe Faeser së fundmi propozoi ashpërsimin e ligjeve për armët. Ajo propozoi që të lejohet mbajtja në publik e thikave me teh deri në 6 centimetra të gjatë, në vend të thikave me teh 12 centimetra të gjatë që lejohet momentalisht.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Policia#Gjermania

свернуть