✨足本訪問：🧑🏻MIRROR化身捕獵者🧌散發男人魅力🥰姜濤加尾句🗣️增「惡」意😠AK Alton Stanley🕺🏼揮武器🗡️殺敵嗌過癮😎｜Viu1 現場實況
MIRROR相隔近9個月再次推出廣東歌《Hunt You Down》，即為大家帶來全新嘅感覺，MV中12子更化身捕獵者，型格登場！Lokman介紹新團歌Rap會多過唱嘅部分，而且包含咗3種曲風。Edan都深入為大家導讀，「前面好快、好刺激、好野性、好狠，但去到中間突然變咗抒情輕鬆曲風，但之後再入返去原本曲風，今次新嘗試，喺廣東歌都未見過。」Jeremy指呢首歌有種野性嘅風格，Edan都認同話跳舞都跳得好爽，有種男人嘅味道出咗嚟！
而歌曲最後一句原來係姜濤嘅主意，「其實係借鑑好多團體，喺歌曲最後都會加句句子，強調返成隻歌嘅重點，因為我覺得成隻歌比較惡，喺MV入面我哋係一班狼一班武士，斬殺敵人。」MIRROR為咗更「Man」，今次嘅舞步都難度大增，Frankie表示：「其實呢隻係難跳過之前嗰啲舞，再加埋上台要唱埋歌，對我哋嚟講都係一個挑戰。」
Tiger介紹新歌MV有好多CG後期製作，仲邀請咗其他動作演員一齊演出，而多位成員亦都被安排動作場面。當中Jer要站喺高處擺甫士，「對於克服咗畏高嘅我嚟講，係一啲都唔害怕！」而AK同Alton就聯手以壘球棒擊退敵人，AK表示過癮，Alton亦自爆未roll機前都練咗好多次。至於Stanley就話係第一次拍嘢接觸日本武士刀，佢而家空閒時都有上動作訓練堂，希望日後可以接拍嘅類型會多啲咁話！
Ian就指MV中嘅服飾有毛毛元素：「Tiger安排咗老虎，我開頭見到自己有啲動物嘅毛，就扮狼叫，Lokman都可以做狼，因為佢都有扮狼叫。」另外MV亦都用上3D scanning技術，再配合CG，MIRROR瞬間變成機械人喺場景內起舞，Anson Lo介紹話3D scanning嘅科技，每個人就可以做到唔同嘅打鬥場面，佢仲叫大家估下邊個先係真正嘅Anson Lo，邊個先係3D scanning出嚟嘅Anson Lo添！
#MIRROR #HuntYouDown #姜濤 #盧瀚霆 #江𤒹生 #陳卓賢 #呂爵安 #柳應廷 #邱士縉 #楊樂文 #陳瑞輝 #邱傲然 #王智德 #李駿傑 #捕獵者 #足本訪問 #現場實況 #Viu煲劇平台 #Viu1娛樂新聞 #Viu1 #Viu
記得Subscribe Viu1HK嘅YouTube Channel，Follow埋IG同Facebook page呀👇🏻
___________
►訂閱 Viu1HK YouTube Channel: [ Ссылка ]
►追蹤 Viu1HK Instagram: [ Ссылка ]
►讚好 Viu1HK Facebook page: [ Ссылка ]
►觀看更多精彩內容：[ Ссылка ]
