لەم بەڵگەفیلمەدا کە ساڵی 2015 بەرهەمهێنراوە باس لەقۆناخێکی گڕنگی مێژووی کوردستانی رۆژهەڵات دەکات کە تیایدا کۆمەڵێک لاو بەبیری چەپ و مارکسی هەڵدەستن بەدامەزراندنی رێکخراوێکی سیاسی لە رۆژهەڵاتی کوردستان.

باس لە وێستگە جیاوازەکانی كۆمەڵەی شۆڕشگێڕی زەحمەتكێشانی كوردستانی ئێران دەکرێت لە روانگەی کاراکتەرە راستەوخۆ و ناڕاستەوخۆکانیەوە، لەنێو دیمەنەکانی ئەم بەڵگەفیلمەدا ئەوە نیشان دەدرێت کە چۆن ئەم رێکخراوە و دامەزرێنەرانی دەبنە سیمبولێکی گەش لەناو لاپەڕەکانی مێژووی هاوچەرخی ئەو سەردەمەی کوردستان.

هەرچەندە بەهەوراز و نشێوی زۆردا تێپەڕیوە بەڵام تا ئێستایش بەهەموو کێشە و ناکۆکییەکانەوە هێشتا ناوی کۆمەڵە قورسایی خۆی هێشتووەتەوە.

دەرهێنان: زاهیر رەشیدپوور

свернуть