[ Ссылка ]

Yay mövsümünün başlaması ilə əlaqədar bağ evlərinə tələbat artıb. Bu isə evlərin kirayə haqqının kəskin yüksəlməsinə səbəb olub.

Ekspertiza və Qiymətləndirmə Mərkəzinin direktoru Ramil Qasımzadə Qazet.az-a açıqlamasında bildirib ki, bu, təbii prosesdir. O, bunu təlabatın çox olması ilə əsaslandırıb. Qiymətlərin bahalaşması əsasən Bilgəh, Mərdəkan, Buzovna, Zuğulba və Şüvəlan kimi bölgələrdə müşahidə edilir.

"Bağ evləri bir-birindən şəraitinə, ərazisinə və ən əsası isə hovuzunun olub-olmamasına görə fərqlənir. Hovuzu olan bağ evləri 2000 manatdan yuxarı, hovuzu olmayanlar isə bu məbləğdən aşağı təklif olunur. Mövsüm olaraq götürdükdə bu qiymətlərə qismən endirim olunur", - deyə R. Qasımzadə qeyd edib.

Ekspert bildirib ki, bağ evlərinin qiymətinin artması fəsillə əlaqədardır və bu tendensiya hər il təkrarlanır. İldən-ilə qiymətlərdə fərq hiss olunur. Ötən illərlə müqayisədə bu il bağ evlərinin kirayə qiymətlərində 20 faizə qədər artım müşahidə edilib.

İstər paytaxt Bakı, istərsə də bölgələrdə günlük bağ evlərinin qiyməti 80 manatla 5000 manat arasında dəyişir.

свернуть