მდებარეობა: თბილისი, სანდრო ეულის ქ. 3
Location: 3, Sandro Euli str, Tbilisi, Georgia
"დღეს მრავალი პრობლემების წინაშე დგას საქართველო და ჩვენ გვჭირდება ერთსულოვნება"
კათოლიკოს - პატრიარქი ილიაII
საქართველოს საპატრიარქოს ტელევიზია „ერთსულოვნება“ 2008 წლის, 23 ნოემბერს სწორედ ერთსულოვნების დიდი სურვილით უწმინდესისა და უნეტარესის ილია II-ის ლოცვა-კურთხევით დაარსდა.
ტელეკომპანიის მფლობელი - საქართველოს საპატრიარქო
დირექტორი - ჭყონდიდელი მიტროპოლიტი პეტრე (ცაავა)
საქართველოს საპატრიარქოს ტელევიზია „ერთსულოვნება“ ფლობს თანამაგზავრული სისტემების გამოყენებით მაუწყებლობის ლიცენზიას. საპატრიარქოს ტელევიზიის ლიცენზიის სახედ განისაზღვრა კერძო მაუწყებლობა, ლიცენზიის სახეობად – სპეციალიზებული (შემეცნებითი) მაუწყებლობა, გეოგრაფიული არეალი კი საქართველოს ტერიტორია. ტელევიზია “ერთსულოვნება” ამ ეტაპზე მაუწყებლობს სატელიტური და საკაბელო ტელეკომპანიების საშუალებით თბილისსა და რეგიონებში.
ტელეკომპანიას აქვს საკუთარი ვებგვერდი www.ertsulovneba.ge და ასევე აქტიურად წარმოდგენილია სხვადასხვა სოციალურ ქსელში: FACEBOOK, GOOGLE+, YOUTUBE, TWITTER
საქართველოს საპატრიარქოს ტელევიზია “ერთსულოვნების “ მიერ შექმნილი სატელევიზიო პროექტები მისაღებია სხვადასხვა ეროვნების, სქესისა და ასაკის მაყურებლისთვის.
სამაუწყებლო ბადე დატვირთულია კულტურულ-საგანმანათლებლო, შემეცნებითი, რელიგიური, სასოფლო-სამეურნეო, მუსიკალური, სპორტული, საბავშვო , საყმაწვილო და სოციალურ საკითხებზე მომზადებული გადაცემებით, ასევე კინოკლასიკით.
