caritaṁ devadevasya mahādevasya pāvanam |
apāraṁ paramodāraṁ caturvargasya sādhanam ||1||

gaurīvināyakopetaṁ pañcavaktraṁ trinetrakam |
śivaṁ dhyātvā daśabhujaṁ śivarakṣāṁ paṭhennaraḥ ||2||

gaṅgādharaḥ śiraḥ pātu bhālaṁ ardhenduśekharaḥ |
nayane madanadhvaṁsī karṇo sarpavibhūṣaṇa ||3||

ghrāṇaṁ pātu purārātiḥ mukhaṁ pātu jagatpatiḥ |
jihvāṁ vāgīśvaraḥ pātu kandharāṁ śitikandharaḥ ||4||

śrīkaṇṭhaḥ pātu me kaṇṭhaṁ skandhau viśvadhurandharaḥ |
bhujau bhūbhārasaṁhartā karau pātu pinākadhṛk ||5||

hṛdayaṁ śaṅkaraḥ pātu jaṭharaṁ girijāpatiḥ |
nābhiṁ mṛtyuñjayaḥ pātu kaṭī vyāghrājināmbaraḥ ||6||

sakthinī pātu dīnārthaśaraṇāgatavatsalaḥ |
urū maheśvaraḥ pātu jānunī jagadīśvaraḥ ||7||

jaṅghe pātu jagatkartā gulphau pātu gaṇādhipaḥ |
caraṇau karuṇāsindhuḥ sarvāṅgāni sadāśivaḥ ||8||

Aum Namah Shivaya

свернуть