Кісі өлтіруге оқталды деген күдікпен 19-20 жастағы 9 адам қамауға алынды. Олар соққыға жығып, пышақтаған 20 жастағы жігіт облыстық жедел жәрдем ауруханасына түсті. Желтоқсанның 23-інен 24-іне қараған түні 12-ші ықшам аудандағы №60-шы үйдің маңында тобыр бір адамға жабылған. Оларға "тобыр" дегеннен басқа атау жоқ. Қатыгездікпен жасалған қылмыс үйдің бейнебақылау камерасына түсіп қалған. Бет-жүздері камерадан анық көрінетін 9 күдікті түгел ұсталды. 19-20 жастағы жігіттер қазір тергеу қапасында отыр. Ал олар жабылып, сабаған, пышақтаған 20 жастағы жігіт облыстық жедел жәрдем ауруханасында жатыр. Ірілі-ұсақты қылмыстардың көбі темір жол вокзалы маңында жиі жасалады. Сондықтан вокзал айналасы полицияның жіті бақылауында. 21-ші желтоқсанда полиция қызметкерлері темір жол вокзалы аумағында жедел алдын алу шарасын өткізді. Сондай-ақ, 8-наурыз көшесіндегі кафелердің бірінен астыртын ойын бизнесі әшкереленді. Пәтерлердің бірінен жеңгетайлықпен айналысқан адам анықталды.

Сайт телеканала [ Ссылка ]
Twitter [ Ссылка ]
Вконтакте [ Ссылка ]

свернуть