Jamita Minggu XVIII Trinitas
29 September 2024
Psalmen 124:1-8
“Pangurupion di hita di bagasan goar ni Jahowa”

Huria ni Tuhan….
Ilustrasi: Kado Ultah dibelikan sepeda. Topet di hari ulangtahun ni si Ussok pa 10 taon, dituhor amongna do Sepeda di ibana songon kado ulangtahun. Las hian roha ni si Ucok manjalo i, dihaol ibana do bapakna i mandok mauliate. Di bot ari na i pintor dipake ibana do sepeda rap marmeam dohot angka donganna. Ganup pajumpang ibana dohot donganna sai dipanghatahon ibana do burju ni amongna mangalehon sepeda.
Marsogotna i dipangke tu Sikolana, sai dihatahon ibana do tu donganna dohot tu guruna haburjuon ni amongna i. Suang songon i di ari Minggu dipake tu Gareja marsingkola Minggu, tu sude donganna dakdanak Sikola Minggu dohot tu Guruna pe tong do bangga hian ibana pajojor haburjuon ni amongna i. Tak henti-hentinya dia menceritakan bahwa ayahnya sangat mengasihi dia.
Hal yang menarik adalah: fokus utama cerita si Ucok bukan sepedanya, tapi kebaikan ayahnya. Ndang merk ni Sepeda dipanghatahon jala ndang argana; alai haburjuhon ni amongna i do dipajojor. Dia menginginkan supaya temannya tahu kebaikan ayah Ucok.
Tontu nang hita pe hea do las roha songon na dihilala ni si Ussok on – nang pe marasing konteksna – alai tasaritohon do i tu donganta. Alai ida ma, sai jumotjot do tasaritohon materi/benda manang objek las ni rohanta – isarana: Dilehon amanta i horunghorung tu inanta i, lak horunghorung ido dipanghatahon inantai, ndang haburjuon ni amantana na mangalehon i. Nda ingkon songon si Ussok on ma nian, bangga ibana paboaboahon haburjuon ni amongna na mangalehon sepeda songon kado Ultah?
Songon i ma na taida di jamita on. Dipodahon do do asa tapajojor haburjuon, hagogoon, huaso dohot asi ni roha ni Debata na mangaramoti pardalanan ni bangsoNa di pardalanan mulak sian habuangan. Saleleng di pardalanan i godang do tantangan: torop do jolma (bangso na asing) hehe mangalo dompak nasida naeng mambondut, manombo rimasna dompak bangso i (Psalmen 124:3). Suang songon i ma nang batang aek siboluson nasida sai naeng aupon ni aek marhasak i do nasida (Psalmen 124:4-5).
Ima borat ni tantangan dohot parmaraan naniadopan ni bangso i. Alai nang pe songon i, nanggo sada sian sude parmaraan i ndang mangonai tu nasida, sude do siding sian bangso i. Ala ni aha????? Ala didongani, diramoti, jala diparmudumudu Jahowa do nasida: “Aut unang Jahowa mandongani hita……” (Psalmen 124:1-2). Kuncina ima: Didongani Debata.
Aut unang Jahowa mandongani hita sai na bondutonnasida do hita… Aut unang Jahowa mandongani hita sai na aupon ni angka aek do hita…. Alai sasudena i dipadao Debata marhite hagogoon dohot huasoNa di bagasan asi ni rohaNa.
Pambahenan ni Debata na mandongani bangso i di pardalanan mulak tu Jerusalem, dipasiding do sude parmaraan, dipadao nasa jea, jala dipalua tondina; angka on do sihatindanghonon ni bangso i. Ima dipajojorhon nasida tu nasa bangso; asa saluhut bangso tumanda Debata Jahowa Sitompa langit dohot tano, Ibana do Debata sasadasa. Saguru di Ibana do saluhutna na di tano on.
Songon dakdanak na dapotan sepeda kado ultah sian bapakna i, sai dipaboaboa ibana do haburjuon ni bapakna tu sude angka donganna. Ndang sepeda i na rumingkot dipaboaboa ibana alai haburjuon ni bapakna i do. Suang songon i ma nang bangso Israel, naeng ma nasida paboaboahon asi ni roha ni Debata na paluahonnasida sian habuangan i. Ndang keadaan i na rumingkot sipaboaboaon nasida alai Goar ni Jahowa do sihatindanghonon nasida.
Kita menceritakan kemuliaan Allah dan perbuatan-perbuatan Allah yang kita terima dan kita rasakan. Kalau mau jujur, sebenarnya setiap hari kita dapat merasakan perbuatan-perbuatan Allah dalam kehidupan kita. Apa yang kita rasakan, itulah yang kita ceritakan. Tanpa merasakan dan mengalami kebaikan dan berkat Allah, kita sulit untuk menceritakannya dengan sepenuh hati. Artinya: Menceritakan kebesaran Allah bukanlah dogeng dan bukan khayalan, tapi hal nyata dalam hidup kita. Lebih dulu kita menerima dan merasakan berkat Allah, lalu kita menceritakannya kepada orang lain.
Angkup ni pajojorhon haburjuon ni Debata tu nasa bangso, sipatupaonta ima mamuji Debata mandok mauliate. Ido umbahen diarahon parpsalmen on do asa dipuji nasida ma Jahowa: Pinuji ma Jahowa na paluahon tondinta sian angka musu dohot sian angka parmaraan (Psalmen 124:6-7). Jala dipanjouhon ma mandok: “Ianggo pangurupion di hita di bagasan goar ni Jahowa Sitompa langit dohot tano on do.” (Psalmen 124:8).

Borhat ma hita pajojorhon pambahenan ni Debata di ngolunta, tapaboaboa ma tu nasa bangso asi ni rohaNa na manongtong i. Tudos songon dakdanak na bangga mansaritohon haburjuon ni bapakna mangalehon kado ultah Sepeda; songon i ma hita bangga mansaritohon pangurupion ni Debata di ngolunta. AMEN

Salam Sejahtera, Salam Sahabat, Salam Sehat.

#jamitaminggu
#psalmen124
#roberthendrasimanjuntak
#robertsimanjuntak

свернуть