Ish-kryeministri Berisha nuk ndalet në projektin e tij politik për të qenë sërish protagonist dhe për të kthyer sipas tij demokratët në pushtet, duke rrëzuar jo vetëm kryeministrin Rama, por edhe Lulzim Bashën që mban Partinë Demokratike. Ambicia e tij u deklarua në foltoret e organizuara përpara Kuvendit të 11 dhjetorit, ndërsa ka bërë me dije, se takimet me bazën dhe projektin e tij të së ardhmes do e vijojë. Këtë të enjte, ish kryeministri Berisha ka njoftuar se do të vijojë mbajtjen e foltoreve në të gjithë vendin. Njoftimi është publikuar në llogarinë zyrtare të Berishës në Facebook, ku përmes një statusi shkruan se foltorja e radhës do të mbahet në datën 22 janar në orën 11 në Pallatin e Kulturës në Rrëshen të Mirëditës. Mesa duket ish lideri historik i partisë demokratike ka vendosur t’i rikthehet edhe njëherë turit të tij në rrethe. Ky vendim erdhi pas përplasjeve të shumta me kreun e partisë Lulzim Basha, ku ngjarja më e fundit ishte protesta e 8 janarit. Me qëllimin për të nxjerrë njëherë e mirë nga zyra Lulzim Bashën, Berisha dhe mbështetësit e tij shkuan në seli, atje ku dhe pati incidente të rënda. Me pretendimin se ka shumicën, Berisha është tashmë në lëvizjen e dytë të tij të takimeve me bazën për të rrëzuar Bashën, por edhe për t’i treguar këtij të fundit se ka shumicën e demokratëve në të gjithë vendin. Nga ana tjetër, Berisha mbron me forcë edhe një tjetër akt, që ka të bëjë me vendimin për shkarkimin e Bashës nga delegatët e Kuvendit që u mbaj në 11 dhjetor dhe një javë më vonë përmes një referendumi.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Berisha#Lëvizja#TopChannel
