hoñToñ pe jo tere hai ye muskān mirī jaan
le jā.egī ik roz mirī jaan mirī jaan
sab hosh gañvā baiThe tire chāhne vaale
is baat pe honā nahīñ hairān mirī jaan
apnoñ se kabhī tark-e-ta.alluq nahīñ karte
apnoñ ko nahīñ karte pareshān mirī jaan
is hañsne hañsāne se nahīñ jā.egā kuchh bhī
is meñ to nahīñ koī bhī nuqsān mirī jaan
chehre pe jamī dhuul se kyoñ bhuul rahā hai
'jāzib' huuñ maiñ 'jāzib' mujhe pahchān mirī jaan
Ghazal :- Meri Jaan
Poet :- Suleman Jazib
Credit :- sjproductions
#SulemanJazib #Urdu #Poetry
web www.sulemanjazib.com
FB Page facebook.com/sulemanjazib
