Shtatë ditë para vizitës zyrtare në Uashington, kryeministri Edi Rama zhvilloi një takim me diplomaten amerikane, Yuri Kim në Tiranë, ku në fokus së bisedimeve ishin reformat në Shqipëri si dhe garantimi i mbështetjes së vendit tonë ndaj Ukrainës. Ambasada e Shteteve të Bashkuara të Amerikës, ka ndarë detajet e takimit zyrtar me kreun e qeverisë, nëpërmjet një postimi në facebook.
Ambasadorja Kim përshëndeti mbështetjen e fortë dhe parimore të Shqipërisë për Ukrainën përballë agresionit rus, qoftë si aleate e NATO-s ashtu edhe në Këshillin e Sigurimit të Organizatës së Kombeve të Bashkaura, ku Shtetet e Bashkuara janë krenare që do të punojnë me Shqipërinë si "bashkë-penëmbajtëse" për Këshillin në çështjet e Ukrainës – shkruhet në postimin e Ambasadës Amerikane.
Pas deklaratës së përbashkët për shtyp me delegacionin e Bashkimit Europian, lidhur me mbështetjen për zgjatjen e afateve të organeve të vettingut, ambasadorja Kim nënvizoi se lufta kundër korrupsionit është prioritet kryesor për Shtetet e Bashkuara. Gjithashtu forcimi i institucioneve demokratike, përparimi historik në forcimin e mbrojtjes ushtarake, dhe hapat e mëtejshëm për të rritur tregtinë dhe investimet midis SHBA-së dhe Shqipërisë kanë qenë në thelb të diskutimeve mes Yuri Kim dhe Ramës.
Në 15 shkurt, së bashku me ministren e jashtme, Olta Xhaçka, kryeminsitri Rama, pritet të udhëtojë drejt Shteteve të Bashkuara të Amerikës për të marrë pjesë në mbledhjen e Këshillit të Sigurimit të Organizatës së Kombeve të Bashkuara. Gjithashtu bëhet e ditur, se Rama do të ketë edhe një takim me sekretarin amerikan të shtetit, Antony Blinken.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Rama#YuriKim#TopChannel
