Түркістан қаласының халқы 4 жылда 50 мың адамға көбейді. Қазір рухани ордада 111 көпқабатты үйдің құрылысы жүріп жатыр. Биыл оның тең жартысы пайдалануға беріледі. Қала тұрғындары 99 пайыз ауыз су және газбен қамтамасыз етілді. Ендігі мәселе ескірген инфрақұрылымдарды жаңарту. Түркістан қаласының әкімі Нұрбол Тұрашбеков БАҚ өкілдерімен кездесті. Онда «Түркістан қаласының әлеуметтік экономикалық дамуының жыл басынан бергі көрсеткіші» айтылды. Жеткен жетістіктер мен алдағы жоспарлар сараланды.
