Бір апта бойы толассыз жауған жаңбыр салдарынан Ұлыбританияның оңтүстігі су астында қалып, бірнеше адам қайтыс болған. Сондай-ақ ондаған күрежол шайылып, теміржол және автокөлік қатынасы тоқтап қалған. Соңғы келіп түскен деректерге қарағанда, аймақтағы 800-ге жуық үй топан су астында қалып отыр. Су деңгейі кейбір ғимаратта 1,5 метрге дейін жоғарылаған. Қазір елдің оңтүстік-батысындағы 70 мың үйге қауіп төніп тұр. Күн райының қолайсыздығынан, әсіресе, Глостершир аймағы зардап шекті. Сонымен бірге Суррей өңірінде сел күшейіп, лай көшкініне ұласқан. Лондоннан Брайтон қаласына қатынасатын көлік жолы жабылды. Құтқарушылар жақын арада жергілікті тұрғындарды қауіпсіз жерге көшірмек. Мұндай алапат тасқын елде бес жыл бұрын болып, шығын мөлшері 5 млрд АҚШ долларын құраған еді. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
